بھارتی فوجیوں پر بتھر برسانے والی کشمیری مجاھدہ پر فلم بنے گی

ممبئی (خصوصی رپورٹ)بھارتی فوج پر پتھر پھینکنےوالی کشمیری لڑکی پر فلم بنے گی -بولی وڈ کے معروف ولن گلشن گروور اپنے بیٹے کے ساتھ مشترکہ طور پر نوجوان کشمیری لڑکی ’افشاں عاشق‘ پر فلم بنانے جا رہے ہیں۔خیال رہے کہ 21 سالہ افشاں عاشق نے رواں برس اپریل میں مقبوضہ کشمیر کے شہر سری نگرمیں ایک مظاہرے کے دوران بھارتی فوج پر پتھر پھینکے تھے۔مظاہرے کے دوران بھارتی فوج پر پتھر پھینکنے کے وقت کھینچی گئی افشاں عاشق کی تصاویر دیکھتے ہی دیکھتے نہ صرف سوشل میڈیا بلکہ بھارتی نیشنل میڈیا پر بھی وائرل ہوگئی تھیں۔ تصاویر وائرل ہونے کے بعد افشاں عاشق پر مختلف الزامات بھی لگائے جانے لگے، کیوں کہ وہ پٹیالہ کے نیشنل انسٹی ٹیوٹ ا?ف اسپورٹس میں فٹ بال کوچ کی حیثیت سے فرائض سر انجام دے رہی تھیں۔وہ بحیثیت ایک کوچ 40 لڑکیوں اور 30 لڑکوں کو تربیت دے رہی تھیں۔اس سے قبل افشاں عاشق کشمیر کی خواتین فٹ بال ٹیم کی جانب سے کھیل چکی ہیں۔ایک فٹ بالر لڑکی کے ہاتھ میں پتھر دیکھنے کے بعد ان کی تصاویر سوشل میڈیا سمیت بھارت بھر میں وائرل ہوگئیں، جس کے بعد ان پر الزامات لگائے گئے۔تاہم بعد ازاں افشاں عاشق نے وضاحت کی تھی کہ انہوں نے مجبور ہوکر بھارتی فوج کے خلاف پتھر اٹھائے، کیوں کہ فوجی اہلکاروں نے نوجوان کشمیری طالبات پر تشدد کیا۔افشاں عاشق کے مطابق بھارتی فوجی اہلکاروں نے جن طالبات پر تشدد کیا، ان میں 2 ان کی طالب علم بھی تھی، جس پر انہوں نے اہلکاروں کے خلاف پتھر اٹھائے۔افشاں عاشق کی اپریل میں وائرل ہونے والی تصاویر میں انہیں نیلے رنگ کے روایتی لباس میں دیکھا گیا تھا، جب کہ انہوں نے اپنے چہرے کو ڈھانپ رکھا تھا، ان کی تصاویر عین اس وقت کھینچی گئیں جب انہوں نے فوجیوں کی جانب پتھر پھینکے۔اب ان کی تصاویر وائرل ہونے اور ان کی کہانی سامنے آنے کے بعد بولی وڈ کے ورسٹائل اداکار اور زیادہ تر ولن کے کردار ادا کرنے والے گلشن گروور اپنے بیٹے سنجے گروور کے ساتھ ان کی زندگی پر فلم بنانے جا رہے ہیں۔ سنجے گروور جلد ہی امریکا سے بھارت منتقل ہوجائیں گے، جب کہ افشاں عاشق کی زندگی پر بننے والی فلم کی شوٹنگ کا آغاز 2018 میں کردیا جائے گا۔رپورٹ کے مطابق سنجے گروور اپنے والد کے ساتھ افشاں عاشق کی زندگی پر ’ہوپ سولو‘ نامی فلم بنائیں گے، جس کی ہدایات منیش ہری شنکر دیں گے، جو اس سے قبل عجب پریم کی غضب کہانی جیسی فلموں کی ہدایات دے چکے ہیں۔افشاں عاشق کی زندگی پر بننے والی فلم کا اسکرپٹ ’نیرجا‘ اور ’میری کوم‘ جیسی فلموں کا اسکرپٹ لکھنے والے سیون کودراس لکھیں گے۔