نواز شریف کی عدالت پیشی جمہوریت کا حسن ہے ؛ملک احمد ،مریم بھی پیش ہوں ؛فرید پراچہ،احمد نیازی کی لائیو ایٹ ٹین میں گفتگو

لاہور (مانیٹرنگ ڈیسک )پنجاب حکومت کے ترجمان ملک احمد نے کہا ہے کہ نوازشریف پہلے دن سے کہہ رہے ہیں کہ اگر انہیںجے آئی ٹی نے بلایا تو وہ جائیں گے یہ جمہوریت کا ہی حسن ہے چینل ۵ کے پروگرام لائیو ایٹ10 میں گفتگو کرتے ہوئے انہوں نے کہا قانون کی پاسداری کے لئے وزیراعظم کردار ادا کرتے رہیں گے وزیراعظم کے بیٹے بھی جے آئی ٹی کے سامنے پیش ہوئے جو بھی سمن آئیں گے ان کی اطاعت کی جائے گی کیونکہ سپریم کورٹ کا حکم ہے وزیراعظم نے کہا تھا کہ تحقیقات کے لئے انہیں جہاں بھی بلایا جائے گا وہ جائیں گے۔ جماعت اسلامی کے رہنما فرید احمد پریچہ نے کہا کہ اگر وزیراعظم کو بلایا گیا ہے تو انہیں جا کر اپنی صفائی دینا چاہئے قانون تو سب کے لئے برابر ہے اور اگر مریم نواز کے حوالے سے سوالات بنتے ہیں تو ان کو بھی بلانا چاہئے شریف برادران گہری دلدل میں پھنسے ہوئے ہیں اس سے نکلنا مشکل ہے۔ تحریک انصاف کے رہنما امجد نیازی نے کہا نوازشریف کو آحر کار پیش ہونا پڑے گا اور میں تو سمجھتا ہوں انہیں مستعفی ہو جانا چاہئے کیونکہ وہ صادق اور امین نہیں رہے۔ انہوں نے پاکستان کا پیسہ چوری کیا ہے یہ لوگ ایک جھوٹ چھپانے کے لئے سو جھوٹ بول رہے ہیں۔