ورلڈ الیون کی آمد ،انضمام الحق منظر سے غائب،کہاں ہیں،جان کر ہوجائینگے آپ بھی گناہوں سے تائب

لاہور(ویب ڈیسک ) ورلڈ الیون میں شامل کھلاڑیوں کے نام سامنے آنے کے بعد پاکستانی شائقین کرکٹ خاصے پرجوش ہیں اور ٹیم کے پاکستان آنے کے بے صبری سے منتظر ہیں۔
ایسے میں پاکستان کرکٹ بورڈ (پی سی بی) کے چیف سلیکٹر انضمام الحق کہیں نظر نہیں آ رہے تاہم اب یہ پتہ چل گیا ہے کہ وہ کدھر ہیں اور میڈیا پر ان کا کوئی بیان کیوں سامنے نہیں آ رہا۔ذرائع کے مطابق چیف سلیکٹر انضمام الحق فریضہ حج کی ادائیگی کیلئے سعودی عرب روانہ ہو گئے ہیں اور یہی وجہ ہے کہ ورلڈ الیون، سری لنکن ٹیم اور ویسٹ انڈیز کے دورہ پاکستان سے متعلق ان کا کوئی بیان سامنے نہیں آ رہا۔ذرائع کا کہنا ہے کہ وہ فریضہ حج کی ادائیگی کے بعد وطن واپس لوٹیں گے اور اس معاملے پر ایکٹو ہوں گے جس کے بعد ان کی جانب سے ناصرف خیر سگالی کا پیغام بھی سامنے آئے گا بلکہ وہ ورلڈ الیون کے خلاف میچوں کیلئے تیار ہونے والی قومی ٹیم کے کھلاڑیوں کی فہرست سے متعلق بھی کچھ فیصلے کریں گے۔