واشنگٹن(ویب ڈیسک )امریکا نے پاکستان، بھارت اور افغانستان کیلئے سفری ہدایات جاری کردیں ہیں۔امریکی محکمہ خارجہ کی جانب سے جاری کیے گئے نئے ہدایت نامے میں 4 درجہ بندیاں بنائی گئیں، جس کے مطابق دوسرے درجے میں احتیاط، تیسرے میں سفر پر نظرِثانی اور چوتھے میں سفر سے گریز کی ہدایت کی گئی ہے۔امریکی محکمہ خارجہ کے مطابق بھارت کو دوسری،پاکستان تیسری اورافغانستان کو چوتھی کیٹیگری میں رکھا گیا ہے۔امریکی محکمہ خارجہ نے کہا ہے کہ امریکی شہریوں کو بھارت کے سفرمیں احتیاط کریں، پاکستان میں دہشت گردی کے خدشات کے پیش نظرسفر پر نظرثانی کی جائے، امریکی شہری افغانستان کے سفر سے گریز کرنے کا احکام دے دیا ہے۔محکمہ خارجہ کی جانب سے مزید کہا گیا ہے کہ پاکستان میں دہشت گردی کےخدشات کے پیش نظر سفر پر نظرِثانی کی جائے اور بلوچستان، خیبر پختو نخوا، فاٹا اور آزاد کشمیر کے سفر سے گریز کیا جائے۔
