پاکستان اور روس کی مشترکہ مشقیں دروزبہ 5 جاری ہیں۔
پاک فوج کے شعبہ تعلقات عامہ (آئی ایس پی آر) کے مطابق مشقوں میں شریک روسی دستے کی توجہ مختلف آپریشنز اور مہارتوں پر مرکوز ہے ، ریشین فیڈریشن کی خصوصی فورس کے دستے یرغمالیوں کو ریسکیو کرنے کے آپریشن میں شریک ہیں۔
واضح رہے کہ گزشتہ ہفتے دروزبہ 5 مشقوں کی افتتاحی تقریب تربیلا کے مقام پر ہوئی ، دونوں ممالک کی اسپیشل فورسزان مشقوں میں شریک ہیں۔
افتتاحی تقریب میں دونوں ملکوں کے قومی ترانے بجائے گئے ، پاکستان میں روسی سفیر نے بھی تقریب میں شرکت کی۔
مشترکہ فوجی مشقیں دو ہفتے تک جاری رہیں گی۔
