پاکستان پولٹری ایسوسی ایشن نے حکومت سے گزارش کی ہے کہ پولٹری مصنوعات پر لگائے گئے ٹیکس کو فی الفور ختم کیا جاۓ۔
پاکستان پولٹری ایسوسی ایشن نے نیشنل پریس کلب میں نیوز کانفرنس میں کہا کہ پولٹری کی صنعت 40 سے 45 فیصد گو شت مہیا کرتی ہے، پولٹری کا کام لوگوں کی سوچ اور سمجھ سے باہر ہوتا جا رہا ہے۔
ہمارے وزیر خزانہ کہتے ہیں ہم نے کھانے پینے پر کوئی ٹیکس نہیں لگایا، 17 فیصد ٹیکس کے بعد انڈسٹری میں شدید بحران آۓ گا۔
چیئرمین ڈاکٹر سجاد ارشد نے کہا کہ یہ پولٹری ہی ہے جو لوگوں کو گوشت کی ضروریات پوری کر رہی ہے، بکرے کا گوشت ویسے بھی لوگوں کی پہنچ سے باہر ہے جبکہ پاکستان میں بچوں کو خوراک کی ضرورت ہے۔
انکا کہنا تھا کہ اس ٹیکس کے لاگو ہونے کے بعد ایک دن کا چوزہ جو باہر سے منگواتے ہیں وہ بھی مہنگا ہوجائے گا، انڈسٹری پہ اتنا ٹیکس لگایا جا چکا ہے جسے چلانا مشکل ہوگیا ہے، اگر ہم ایک لاکھ کی چیز لیں تو وہ یہاں پہنچ کر 1 لاکھ 40 ہزار کی ہو جاتی ہے۔
چیئرمین ڈاکٹر سجاد ارشد نے مزید کہا کہ حکومت کو چاہیے ٹیکس کم کریں، اور پروڈکشن بڑھائیں، دنیا میں کہی بھی فوڈ آئٹمز پر ٹیکس نہیں ہے۔
ڈاکٹر سجاد ارشد نے بتایا کہ پاکستان میں ایک دن میں 50 لاکھ مرغی ذبح ہوتی ہے، پاکستان میں 93 فیصد زندہ مرغی کو ذبح کرا کے استعمال کیا جاتا ہےاور 7 فیصد فروزن فوڈ کے طور پر استعمال ہوتی ہے، ہم اس 7 فیصد فیصد کو بھی بڑھانا چاہ رہے ہیں۔
