کراچی: (ویب ڈیسک) کراچی میں کھیلے گئے امن ٹیپ بال کرکٹ ٹورنامنٹ کا ٹائٹل ڈی ایم سی ایسٹ نے اپنے نام کرلیا، صوبائی وزیر سعید غنی نے انعامات تقسیم کئے۔
کراچی امن ٹیپ بال نائٹ کرکٹ ٹورنامنٹ میں ڈی ایم سی ایسٹ ٹیم سندھ پولیس کو فائنل میں شکست دے کر چمپئین بن گئی۔ پاکستان رینجرز سندھ، پولیس اور ڈی ایم سی ایسٹ کے اشتراک سے ٹورنامنٹ میں 12ٹیموں نے شرکت کی، صوبائی وزیر سعید غنی کا کہنا تھا کہ رمضان کے بعد کھیل کے میدانوں کو خالی کرانے کا آپریشن شروع کریں گے۔
سابق کپتان سرفراز احمد نے ایونٹ کے انعقاد کو سراہا جبکہ ایڈمنسٹریٹر ڈی ایم سی ایسٹ نے نوجوانوں کو کھیل کے مواقع فراہم کرنے کی ٹھان لی۔ اختتامی تقریب میں صوبائی وزیر سعید غنی نے کامیاب ٹیموں میں انعامات اور ٹرافی تقسیم کی۔
