سائنس دانوں نے زمین کو سورج کی تپش سے بچانے کے لیے خلا میں ایک بہت بڑی چھتری لگانے کا منصوبہ تیار کیا ہے۔
زمین کے ماحول کو بچانے کے لیے سائنس دان جو کچھ بھی سوچتے ہیں وہ عام آدمی کے لیے بہت حیرت انگیز ہوتا ہے۔
نیو یارک ٹائمز نے بتایا ہے کہ ماہرین نے خلا میں ایک بہت بڑی چھتری چھوڑنے کا منصوبہ بنایا ہے جو سورج کی غیر معمولی تپش کو زمین تک پہنچنے سے روکے گی۔
ٹیکنین اسرائیل انسٹیٹیوٹ آف ٹیکنالوجی کے ایشر اسپیس ریسرچ انسٹیٹیوٹ میں فزکس کے پروفیسر یورام روزن کا کہنا ہے کہ وہ اور ان کے ساتھی مل کر ایک ایسی شیلڈ تیار کریں گے جس سے سورج کی ایک سے دو فیصد تک تپش سے زمین کو بچایا جاسکے گا۔
اس منصوبے پر اچھی خاصی رقم خرچ ہوگی۔ 100 اسکوائر فٹ کا ایک پروٹو ٹائب پنانے پر تقریبا 2 کروڑ ڈالر خرچ ہوں گے۔
پروفیسر یورام روزن نے جس شیلڈ کی بات کی ہے وہ کم و بیش ارجنٹائن کے رقبے کے مساوی ہوگی۔ زمین سے اِتنی چھتری کو خلا میں بھیجنا ممکن دکھائی نہیں دیتا۔
نیو یارک ٹائمز کا کہا ہے کہ زمین کو سورج کی تپش سے بچانے کے لیے چھتری یا پردہ لگانے کے متعدد منصوبوں پر کام ہو تا رہا ہے اور اس حوالے سے تجربے کامیاب بھی ہوتے رہے ہی
