لاہور: ٹی20 ورلڈکپ کی تاریخ میں پہلی بار 3 پاکستانی امپائرز فرائض سر انجام دیں گے۔
امپائرز کے ایلیٹ پینل میں شامل احسن رضا، انٹرنیشنل پینل کے آصف یعقوب اور راشد ریاض امریکا و ویسٹ انڈیز میں ہونے والے میگا ایونٹ میں ذمہ داریاں سنبھالنے کیلیے تیار ہیں۔
پی سی بی پوڈ کاسٹ میں سینئر علیم ڈار سے گفتگو کرتے ہوئے تینوں نے ورلڈکپ میں بہترین صلاحیتوں کو بروئے کار لانے کا عزم ظاہر کیا، انھوں نے اپنے کیریئر اورزندگی کے مختلف تجربات بھی شیئر کیے۔
