پنجاب حکومت نے ٹریفک وارڈنز کی ذہنی صحت اور پیشہ ورانہ کارکردگی بہتر بنانے کیلئے نفسیاتی چیک اپ کروانے کا فیصلہ کر لیا۔
ذرائع کے مطابق محکمہ ٹریفک پولیس کے اہلکاروں کا مرحلہ وار سائیکالوجیکل معائنہ کیا جائے گا تاکہ ذہنی دباؤ، غصے اور رویے سے متعلق مسائل کا بروقت جائزہ لیا جا سکے۔ حکام کا کہنا ہے کہ اقدام کا مقصد شہریوں کے ساتھ بہتر رویہ اور ڈیوٹی کے دوران دباؤ کو کم کرنا ہے۔
حکام کے مطابق چیک اپ کے بعد ضرورت پڑنے پر اہلکاروں کو کونسلنگ اور خصوصی تربیت بھی فراہم کی جائے گی۔
