لندن(آن لائن)شریف خاندان کیلئے آنے والا ہردن نئی مصیبت لے کر طلوع ہوتا ہے،برطانوی حکومت نے بھی نوازشریف اور اس کے خاندان کی اربوں ڈالر مالیت کی جائیدادوں کی تحقیقات کا آغاز کردیا ہے اور شریف خاندان سے جائیدادوں کی خریداری بارے ذرائع آمدن اور کمائی کے ذرائع پوچھنا شروع کردئیے ہیں۔برطانوی پارلیمنٹ نے ایک نیا قانون وضع کیا ہے جس کے تحت برطانوی حکومت غریب ممالک کے کرپٹ سیاستدانوں کی طرف سے برطانیہ میں اربوں ڈالر مالیت کی جائیدادوں بارے تحقیقات کر سکے گا۔برطانیہ نے اب واضح کردیا ہے کہ برطانیہ کو غریب ممالک کے کرپٹ سیاستدانوں کیلئے حرام کی کمائی سے جنت نہیں بننے دیں گے۔برطانوی اخبار نے اپنی ایک رپورٹ میں کہا ہے کہ پاکستان کے سابق وزیراعظم نوازشریف سے لندن میں اربوں ڈالر مالیت کی جائیدادوں بابت پوچھ گچھ کی جائے گی۔برطانیہ میں ہرسال90 ارب ڈالر منی لانڈرنگ کے ذریعے آتے ہیں جبکہ عالمی ادارہ ٹرانسپرنسی نے بھی اپنی حالیہ رپورٹ میں برطانوی حکومت پر زور دیا ہے کہ پاکستان کے کرپٹ خاندان شریف فیملی سے ایون فیلڈ جائیداد بارے پوچھ گچھ کرکے برطانوی اخبار کی ایک رپورٹ کے مطابق برطانیہ نے غریب ممالک کے کرپٹ سیاستدانوں کی ناجائز دولت کی اعلیٰ پیمانے پر تحقیقات کا فیصلہ کیا ہے کیونکہ ایک اندازے کے مطابق غریب ممالک کے کرپٹ حکمران سالانہ90ارب ڈالر منی لانڈرنگ کے ذریعے برطانیہ میں دولت کے انبار لگاتے ہیں،اب برطانوی حکومت سے ناجائز طریقہ سے اکٹھی کرنے والی دولت بارے کرپٹ حکمرانوں سے وضاحت طلب کی جائے گی اور اس مقصد کیلئے(UWO)(غیراعلانیہ دولت آرڈر) قانون کا نفاذ کیا جارہا ہے جو اس ہفتے برطانیہ میں لاگو ہوجائے گا۔عام اندازے کے مطابق برطانیہ کے شہر لندن کے علاوہ دیگر شہروں میں کرپٹ حکمرانوں نے اربوں ڈالر مالیت کی جائیدادیں خرید رکھی ہیں ان کرپٹ حکمرانوں میں سرفہرست روس کے اشرافیہ طبقہ ہے۔ٹرانسپرنسی انٹرنیشنل نے اپنی حالیہ رپورٹ میں ساڑھے چار ارب ڈالر کی جائیدادوں کی نشاندہی کی ہے جو حرام کی کمائی سے کرپٹ سیاستدانوں نے برطانیہ میں خریدی ہیں اور اب ان ناجائز جائیدادوں کی تحقیقات برطانوی قانون(UWO) کے تحت کی جائےگی۔نئے قانون کے تحت برطانوی حکومت کو اختیار دیا گیا ہے کہ کرپشن سے بنائی گئی جائیدادوں کو اپنے قبضہ میں کرے۔عام غیر ملکی شہری جو50 ہزار پا¶نڈ مالیت سے زائد کی جائیداد خریدے گا اس پر لازم ہے کہ وہ اپنی ذرائع کے حوالے سے برطانوی افسران کو مطمئن کریں۔برطانوی وزیر بن ویلس نے میڈیا کو بتایا کہ حکومت کی دیرینہ خواہش ہے کہ حرام کی کمائی سے جائیدادیں خریدنے والوں کیخلاف برطانوی تحقیقاتی اداروں کو مزید اختیارات دئیے جائیں تاکہ برطانیہ کو جنت بنانے والے غیر ممالک کے کرپٹ سیاستدانوں کے خلاف بھی گھیرا تنگ کیا جاسکے۔
