لیون کی تباہ کن باﺅلنگ، پاکستانی 278 رنز پر آﺅٹ

دبئی (سپورٹس ڈیسک) آسٹریلیا کے خلاف چار روزہ وارم اپ میچ میں پاکستان اے ٹیم دو سواٹ ھہتررنزبناکرآو¿ٹ ہوگئی۔ آف اسپنرنیتھن لیون نے آٹھ وکٹیں لیکر پاکستان کے لیے خطرے کی گھنٹی بجا دی۔ پاکستان اے ٹیم میں کوئی اسپنر شامل نہیں ہے۔آئی سی سی اکیڈمی گراو¿نڈ دبئی میں آسٹریلیا کے خلاف وارم اپ میچ کے دوسرے دن پاکستان اے ٹیم دوسو اٹھہتر رنز بنا کر آو¿ٹ ہو گئی۔ پاکستان اے ٹیم نے پہلے دن چھ وکٹیں کھوکردوسوسینتالیس رنزبنائے تھے۔دوسرے دن بقیہ چارکھلاڑی اسکور میں صرف اکتیس رنز کااضافہ کر سکے ۔ نوجوان بیٹسمین عابدعلی نے پچیاسی رنزکی عمدہ اننگ کھیلی۔سمیع اسلم اکیاون ، سعدعلی چھتیس اوروکٹ کیپربیٹسمین محمد رضوان چھبیس رنزبناسکے۔ کپتان اسد شفیق اورشان مسعود نے چودہ چودہ رنزبنائے۔آسٹریلوی آف اسپنرنیتھن لیون نےایک سوآٹھ رنزدیکرآٹھ کھلاڑی آو¿ٹ کیئے اور میچ اور سیریز کے لیےخطرناک عزائم ظاہرکردیے۔جون ہالینڈ اورمچل اسٹارک نے ایک ایک کھلاڑی آو¿ٹ کیا۔ پاکستان اے ٹیم میں کوئی بھی ماہر اسپنر شامل نہیں ہے۔قومی سلیکشن کمیٹی نے اوپنرشان مسعود کومیچ کے لیے ٹیم میں شامل کیا تھا لیکن بدقسمتی سے وہ پہلی اننگ میں کوئی یادگار پرفارمنس نہ دے سکے۔ لیفٹ ہینڈراوپنرکوڈومیسٹک کرکٹ میں شاندار پر فارمنس کی بنیاد پر ایشیاکپ کےلیے منتخب کیاگیاتھا لیکن وہ واحد پلیئرہیں جنہیں کسی میچ میں موقع نہیں دیاگیا۔شان مسعود نے بارہ ٹیسٹ میچزمیں پانچ سوپینسٹھ رنز ایک سنچری اوردونصف سنچریوں کی مدد سے اسکورکئے ہیں۔ ان کابہترین اسکور ایک سوپچیس رہا۔ وارم اپ میچ میں اچھی پرفارمنس پیش کرنے پرانہیں مہمان ٹیم کے خلاف دوٹیسٹ میچزکے اسکواڈ میں بھی شامل کرلیا جائے گا۔