دبئی(آئی این پی) انٹر نیشنل کر کٹ کونسل (آئی سی سی ) نے نئی ٹیسٹ رینکنگ جاری کر دی،بنگلہ دیش کے خلاف دو ٹیسٹ میچوں کی کلین سوئپ مکمل کرکے نیوزی لینڈنے پاکستان نے پانچویں ٹیسٹ رینکنگ بھی چھین لی ہے، بنگلا دیش کے خلاف 9 وکٹ کی کامیابی نے کیویزکو ایک درجے ترقی دلا دی۔ کیویز نے بنگال ٹائیگرز سے سیریز بھی 2-0 سے جیت لی جس نے اسے رینکنگ میں 2 پوائنٹس کا حقدار بنا دیا، یوں نیوزی لینڈ کے مجموعی پوائنٹ 98 ہو گئے جو پاکستان سے ایک پوائنٹ زیادہ ہے۔ انٹر نیشنل کرکٹ کونسل کی جانب سے جاری کردہ رینکنگ کے مطابق ایک سو بیس پوائنٹس کے ساتھ بھارت بدستور پہلے نمبر ایک سو نو پوائنٹس کے ساتھ آسٹریلیا دوسرے اور ایک سو سات پوائنٹس کے بعد جنوبی افریقا تیسرے نمبر پر ہے انگلینڈ کے ایک سو ایک پوائنٹس کے ساتھ چوتھے نمبر پر موجود ہیں۔بنگلہ دیش کے خلاف دو ٹیسٹ میچوں کی کلین سوئپ مکمل کرکے نیوزی لینڈنے پاکستان نے پانچویں ٹیسٹ رینکنگ بھی چھین لی ۔چند ہی ماہ قبل عالمی نمبرون کا گرز ہاتھ میں تھامنے والی پاکستانی ٹیم مسلسل تنزلی کے بعد آئی سی سی ٹیسٹ رینکنگ میں چھٹے نمبر پر چلی گئی ہے۔یوں اب تک کھیل کے تینوں فارمیٹس کی رینکنگ میں ٹاپ5ٹیموں سے باہر ہوگئی ہے۔ ٹوئنٹی20 رینکنگ میں وہ ساتویں جبکہ ون ڈے میں آٹھویں نمبرپر موجودہے۔نیوزی لینڈنے بنگلہ دیش کے خلاف ہوم سیریزکے دونوں ٹیسٹ جیتنے کے عوض دو پوائنٹس حاصل کرکے پاکستان سے پانچویں پوزیشن چھینی ہے۔اب پاکستان ایک پوائنٹ کے فرق سے آئی سی سی ٹیسٹ رینکنگ میں چھٹے نمبرپرچلاگیاہے۔دوسری جانب،سیریزمیں کلین سوئپ کی خفت کے سبب تین پوائنٹس گنوانے والی بنگلہ دیشی ٹیم بدستور نویں نمبرپر موجود ہے جس کی اس” پوزیشن“ کوکوئی خطرہ لاحق نہیں ہے کیونکہ اس سے نچلے نمبر کی زمبابوین سائیڈکے پاس صرف پانچ ریٹنگ پوائنٹس ہیں۔
ٹیسٹ رینکنگ …. پاکستان 5ویں پوزیشن سے بھی محروم
