نیویارک میں ایک سالانہ کریم پنیر فیسٹیول نے 15,008 پاؤنڈ کا پنیر کیک تیار کرکے گنیز ورلڈ ریکارڈ قائم کردیا۔
اس سے قبل لوویل میں Kraft-Heinz پلانٹ نے 2013 میں منعقد ہوئے فیسٹیول میں دنیا کے سب سے بڑے چیز کیک کا ریکارڈ قائم کیا تھا لیکن اسے روس کی ایک ٹیم نے شکست دی جس نے 2017 میں 9,347 پاؤنڈ کا چیزکیک بنایا۔
کرافٹ ہینز کے کوالٹی مینیجر ڈیرک لینگڈن نے کہا کہ اس نے اور ان کی ٹیم نے اس سال کے میلے میں پچھلے ریکارڈ کو توڑنے کا فیصلہ کیا۔
ڈیرک نے بتایا کہ اگر آپ اس ریکارڈ کو شکست دینے کا سوچیں تو آپ کو بہت زیادہ بڑا بنانا پڑے گا۔ ہم نے فیصلہ کیا کہ ہم اس ریکارڈ کو توڑنے جا رہے ہیں تو کیوں نہ اسے آخری ریکارڈ سے تقریباً دوگنا بڑا بنائیں۔
گنیز ورلڈ ریکارڈز کا ایک جج چیزکیک کی نقاب کشائی کے لیے موجود تھا اور اس نے تصدیق کی کہ اس کا وزن 15,008 پاؤنڈز ہے جو کہ اس ٹائٹل کو دوبارہ حاصل کرنے کے لیے کافی ہے۔
