اسلام آباد (خصوصی رپورٹ) پیپلزپارٹی کی پچ پر کپتان کی دھواں دھار باو¿لنگ کے باعث پیپلزپارٹی کی وکٹیں دھڑا دھڑ اُڑ رہی ہیں جس کی وجہ سے مرکزی قیادت شدید پریشان ہے جبکہ سابق صدر آصف علی زرداری ڈپریشن کا شکار ہوگئے۔ آئندہ چند روز کے دوران جنوبی پنجاب میں بھی مزید وکٹیں اُڑنے کا امکان ہے جبکہ ایک نجی ٹی وی کے مطابق پیپلزپارٹی پارلیمنٹرینز کے سربراہ آصف علی زرداری کی طبیعت مزید ناساز ہوگئی۔ دبئی میں مقیم آصف زرداری نے سیاسی مصروفیات کم کردیں۔سابق صدر آصف علی زرداری بیمار ہیں۔ انھیں شوگر اور عارضہ قلب پہلے ہی تھا اوراب ڈپریشن، ہاتھ ،پاو¿ں میں تکلیف بھی ہے۔نجی ٹی وی کے مطابق ان کی فوری واپسی کا امکان نہیں۔علاوہ ازیں سابق صدر اور پاکستان پیپلزپارٹی پارلیمنٹرینز کے صدر آصف علی زرداری نے سابق وزیرداخلہ سینیٹر رحمان ملک کو لندن طلب کرلیا ہے۔سابق وزیر داخلہ سینیٹر رحمان ملک اسلام آباد ائیرپورٹ سے پی آئی اے کی پرواز کے زریعے لندن روانہ ہوگئے ہیں۔
