ون ڈے رینکنگ :حسن ترقی پاکرچھٹے نمبر پرفائز

دبئی (اے پی پی) جنوبی افریقن ٹیم انٹرنیشنل کرکٹ کونسل (آئی سی سی) کی تازہ ترین ون ڈے رینکنگ میں بدستور پہلے نمبر پر براجمان ہے، پاکستانی ٹیم کا چھٹا نمبر برقرار ہے، چیمپنز ٹرافی میں سب سے زیادہ وکٹیں لینے والے پاکستان کے بولر حسن علی نئی آئی سی سی رینکنگ میں مزید ترقی کرتے ہوئے چھٹی پوزیشن پر پہنچ گئے ہیں جب کہ ویسٹ انڈیز کے سنیل نارائن دو درجے تنزلی کے بعد پانچویں سے ساتویں پوزیشن پر چلے گئے ہیں۔اسی طرح بیٹسمنیوں کی رینکنگ میں پاکستان کے بابر اعظم بدستور پانچویں نمبر موجود ہیں جب کہ آل راو¿نڈرز کی رینکنگ میں محمد حفیظ بدستور دوسرے نمبر براجمان ہیں۔بلے بازوں میں ویرات کوہلی، پاکستان کے بابراعظم پانچویں نمبر پر موجود ہیں۔، باﺅلرز میں جوش ہیزلووڈ اور آل راﺅنڈرز میں شکیب الحسن سرفہرست ہیں، زمبابوے کے سکندر رضا سری لنکا کے خلاف سیریز میں گیند اور بلے کے ساتھ عمدہ کارکردگی کا مظاہرہ کرنے کے بعد ترقی پا کر ٹاپ ٹین آل راﺅنڈرز میں شامل ہو گئے۔ آئی سی سی نے سری لنکا اور زمبابوے کے درمیان آخری ون ڈے کے بعد تازہ ترین رینکنگ جاری کر دی ہے جس کے تحت جنوبی افریقہ سرفہرست ہے، آسٹریلیا دوسرے، بھارت تیسرے، انگلینڈ چوتھے، نیوزی لینڈ پانچویں، پاکستان چھٹے، بنگلہ دیش ساتویں، سری لنکا آٹھویں، ویسٹ انڈیز نویں نمبر پر موجود ہے، بلے بازوں میں کوہلی پہلے، وارنر دوسرے، ویلیئرز تیسرے، جوروٹ چوتھے اور بابراعظم پانچویں نمبر پر موجود ہیں، زمبابوے کے ہملٹن مساکڈزا ترقی پا کر 57 ویں نمبر پر آ گئے، باﺅلرز میں ہیزلووڈ پہلے، عمران طاہر دوسرے، سٹارک تیسرے، ربادا چوتھے، بولٹ پانچویں اور پاکستان کے حسن علی چھٹے نمبر پر برقرار ہیں۔ آل راﺅنڈرز میں شکیب الحسن پہلے، محمد حفیظ دوسرے اور محمد نبی تیسرے نمبر پر موجود ہیں، زمبابوے کے سکندر رضا ترقی پا کر ٹاپ ٹین میں شامل ہو گئے۔