شریف خاندان کیخلاف ایک ریفرنس نا مکمل قرار

اسلام آباد:اسلام آباد احتساب عدالت کے رجسٹرار آفس میں شریف خاندان اور اسحاق ڈارکیخلاف دائر ہونے والے 4ریفرنسز میں سے ایک نا مکمل قرار دے دیا گیا۔تفصیلات کے مطابق اسلام آباد احتساب عدالت کے رجسٹرار آفس میں ن شریف خاندان کیخلاف دائر ہونے والے ریفرنسز کی ابتدائی سکرونٹی مکمل کر لی گئی ہے ۔سکرونٹی کے نتیجے میں دائر ہونے والے 4ریفرنسز میں سے 3مکمل جبکہ ایک نا مکمل قرار دیدیا گیا ہے۔نامکمل ریفرنس نیب واپس بھیجا جائے گا تا کہ اسے مکمل کر کے دوبارہ عدالت میں داخل کروایا جا سکے۔یاد رہے کہ آج صبح نیب کی جانب سے شریف خاندان کیخلاف تین جبکہ اسحاق ڈار کیخلاف ایک ریفرنس دائر کیا گیا تھا۔