درندے کانگریس رہنما کے اعتراف نے سب کو چونکا دیا

لاہور(خصوصی رپورٹ)بھارتی اپوزیشن جماعت کانگریس کے سینئر اور متنازعہ رہنما سابق مرکزی وزیر جگدیش ٹائلر نے ایک ویڈیو میں 1984 کے فسادات کے دوران 100 بے گناہ سکھوں کو قتل کرانے کا اعتراف کر لیا۔ سکھ گوردوارہ پر بندھک کمیٹی کے سربراہ منجیت سنگھ جی کے نے نئی دہلی میں پریس کانفرنس کے دوران جگدیش ٹائلر کی 5 مختلف ویڈیو کلپس کی سی ڈی صحافیوں کو دکھائی اور کاپیاں تقسیم کیں۔ انہوں نے بتایا کہ یہ ویڈیو جگدیش ٹائلر کوسٹنگ آپریشن میں پھنسا کر ایک نامعلوم شہری نے ریکارڈ کی اور میرے گھر پر سفید لفافے میں پن ڈرائیور کے اندر میرے محافظوں کو دے کر چلا گیا ہم نے اس ویڈیو کی تحقیقات کی ہے یہ اصلی ہے اور 2011ء میں ریکارڈ ہوئی منجیت سنگھ نے مودی سرکار سے مطالبہ کیا کہ جگدیش ٹائلر کو گرفتار کرکے سکھ قتل عام کیس میں شامل تفتیش کیا جائے مودی کابینہ میں وزیر ہرشمیت کور بادل نے بھی مطالبہ کیا کہ جگدیش ٹائلر کو گرفتار کرکے مقدمہ چلایا جائے ادھر بھارتی ایوان بالا راجیہ سبھا میں اکالی دل کے رہنما سکھ دیو سنگھ نے معاملہ اٹھایا اور تحقیقات کرانے کا مطالبہ کیا جگدیش ٹائلر نے ویڈیو کلپس کو ڈاکٹرڈ قرار دیا۔