لاہور(خصوصی رپورٹ) حکومت کا آئندہ مالی سال کا بجٹ جون کی بجائے آئندہ ماہ (مئی) میں لانے کا فیصلہ جبکہ پانامہ کیس کا فیصلہ بھی بجٹ اجلاس کے بعد آنے کا امکان۔ ذرائع کے مطابق (ن) لیگ کی وفاقی حکومت نے جون کی بجاءمئی میں بجٹ لانے کا فیصلہ کرلیا ہے جسکے بعد وفاقی وزیر خوانہ سینیٹر اسحاق ڈار کی ہدایت پر وفاقی وزارت خزانہ اور دیگر متعلقہ شعبے کے ذمہ داروں نے بجٹ کی تیاری شروع کر دی جسکے لئے بھر پور انداز میں کام جارہی ہے جبکہ ذرائع کا کہنا ہے کہ حکومت پانامہ کے فیصلے سے پہلے بجٹ پیش کرنا چاہتی ہے اس لئے امکان ظاہر کیا جا رہا ہے کہ بجٹ اجلاس کے بعد پانامہ کیس کا فیصلہ آئے گا۔

کراچی (خصوصی رپورٹ) سوتی کپڑے کا ورق‘ سبزرنگ رنگ کے کونے اور ریشم کے دھاگے سے گڑھا ایک ایک حرف ‘یہ ہے قرآن پاک ا خوبصورت نسخہ جو عشق خداوندی سے سرشار کراچی کی زمرد خان کا شاہکار ہے۔ ہاتھ کی کڑھائی کی ماہر کورنگی کی رہائشی اکتیس سالہ زمرد خان نے کاٹن کے کپڑے پر سیاہ اور سنہرے ریشم کے دھاگے سے کڑھائی کرکے قرآن پاک کا حسین نسخہ سات سال چھ ماہ میں مکمل کیا۔ اللہ تعالیٰ کی بارگاہ میں نایاب تحفہ پیش کرنے کی لگن میں زمرد خان نے قرآن پاک کا اردو ترجمہ بھی کڑھا ہے جو تصدیق شدہ ہے۔ زمرد خان کا کہنا ہے کہ سات سال قبل جب یہ نیک کام کرنے کی ٹھانی تو پھر وقت کا پتہ نہیں چلا۔ رب ذوالجلال کی عنایت سے وہ مقدس قرآن پاک کے نسخہ کی خطاطی کرسکیں۔

کراچی (مانیٹرنگ ڈیسک) آسٹرلوجسٹ آغا بہشتی نے پیش گوئی کرتے ہوئے کہا ہے کہ مستقبل میں ن لیگ کی چیئر پرسن مریم نواز ہوں گی اور وہ الیکشن جیت کر اسمبلی میں پہنچ گی۔

چکوال(خصوصی رپورٹ) چکوال کے جلسے میں عمران خان کو جانب سے حلقے کے ضمنی الیکشن میں پیپلز پارٹی اور تحریک انصاف کا اتحاد خطرے میں پڑ گیا ۔ عمران خان کی تقریر پر پیپلز پارٹی کے مقامی کارکن سخت مشتمل ہیں۔ پی ٹی آئی امیدوار کے حق میں دستبر دار ہونے والے پیپلز پارٹ کے امیدوار مظہر بٹھی نے تحریک انصاف کے امیدوار کے خلاف مہم شروع کر دی ہے۔ ذرائع کے مطابق لیگی امیدوار شہریار اعوان کو ہرانے کیلئے کی گئی پرویز الہیٰ کی پلاننگ ناکام ہوتی دکھائی دے رہی ہے۔ مسلم لیگ (ق) کے مقامی کونسلرز بھی پارٹی پروگراموں میں شرکت سے کمتر انے لگے۔ مقامی ذرائع کے مطابق مجموری طور پر لیگی امیدوار کی پوزیشن مستحکم نظر آتی ہے۔ چکوال کے صوبائی حلقے پی پی 23 سے مسلم لیگ (ن) کے ایم بی اے ملک ظہور انور کے انتقال کے بعد یہاں 18 اپریل کو ضمنی الیکشن ہو رہا ہے، جس میں اگر چہ سات امیدوار میدان میں ہیں لیکن اصل مقابلہ مسلم لیگ (ن) کے ملک شہریار اعوان اور تحریک انصاف کے کرنل (ر) سلطان سرخرو اعوان کے مابین ہی ہو گا۔ واضح رہے کہ یہ دونوں گھرانے روایتی حریف ہیں۔ جنرل الیکشن 2002ء میں اس حلقے سے کرنل (ر) سلطان سرخرو اعوان نے آزاد امیدوار کی حیثیت سے 55 ہزار سے زائد دونوں کے ساتھ کامیابی حاصل کی تھی، جبکہ ان کے مقابلے میں مسلم لیگ(ق) کے ملک ظہور انور 43 ہزار دونوں کے ساتھ رنراپ رہے۔ 2008ءمیں اسی حلقے سے کرنل (ر) سلطان سرخرو اعوان کے پاس مسلم لیگ (ن) کا ٹکٹ تھا، جبکہ ملک ظہور انور کے پاس حصب سابق سائیکل کا انتخابی نشان تھا۔ لیکن ملک ظہور انور نے انہیں چار ہزار ووٹوں سے ہرا دیا۔ ملک ظہور انور نے 2013ءکا الیکشن شیر کے انتخابی نشان پر لڑا جبکہ اس بار کرنل (ر) سرخرو اعوان پی ٹی آئی کے امیدوار تھے۔ ملک ظہور انور ووٹوں کے ساتھ کامیاب قرار پائے۔ مسلم لیگ (ق) کے سردار امجد الیاس ووٹوں کے ساتھ دوسرے اور کرنل (ر) سرخرو اعوان ووٹوں کے ساتھ تیسرے نمبر پر رہے۔ واضح رہے کہ حالیہ ضمنی الیکشن میں مسلم لیگ (ن) کے امیدوار ملک شہریار اعوان سابق ایم پی اے ملک ظہور انور ے بھتیجے ہیں۔مسلم لیگ (ن) کو شکست سے دو چار کرنے کیلئے یہاں مسلم لیگ (ق) کی پوزیشن خاصی مضبوط رہی ہے۔ حتیٰ کہ حالیہ بلدیاتی الیکشن میں اسی حلقے میں شامل تھصیل لاوا کی میانسپل کمیٹی کی چیئرمین شب بھی مسلم لیگ (ق) نے ہی جیتی تھی۔ بااعتماد ذرائع نے بتایا کہ جب امیدواروں کے چناﺅ کا مراحلہ آیا تو پی ٹی آئی کے ضلعی صدر منصور حیات نے چودھری پرویز الہیٰ سے رابطہ کر کے اصرار کیا کہ اس ضمن الیکشن میں پی ٹی آئی اپنا امیدوار میدان میں لانا چاہتی ہے۔ چونکہ پرویز الہیٰ کو اولین ترجیح یہان مسلم لیگ (ن) کو شکست سے دوچار کرنا تھا لہذا انہوں نے یہ پلاننگ کی کہ اگر مسلم لیگ (ق) اپنا الگ الگ امیدوار سامنے لائیںتو تینوں ہار جائیں گے ۔ لہذا کیوں نہ تینوں جماعتیں اپنا متفقہ امیدوار ن ے کر آئیں ۔ اس سوچ کو عملی جامہ پہنانے کیلئے پہلے انہوں نے جہانگیر ترین سے رابطہ کیا۔ بعد ازاں پرویز الہیٰ اور جہانگیر ترین نے پی پی کی مرکزی قیادت سے بات کی۔ اس سلسلے میں دو ملاقاتیں لاہور میں ہوئیں۔ پھر اسی سلسلے کی تیسری ملاقات پی پی کی سینترل سیکرٹریٹ اسلام آباد میں ہوئی، جس میں پرویز الہیٰ جہانگیر ترین عبدالعلیم خان قمر زمان کائرہ ندیم افضل چن اور کرنل (ر) سلطان سرخرو اعوان کے بھائی بریگیڈیئر (ر) عباس نے شرکت کی ۔ یہیں پر باہمی رضامندی سے مسلم لیگ (ن) کے خلاف تنیوں جماعتوں کے اتحاد کا فیصلہ ہوا اور پیپلز پارٹی کے نامزد امیدوار مظہر بھٹی کو پی ٹی آئی امیدوار کے حق میں دستبردار کردیاگیا۔ لیکن 2 اپریل کو تلہ گنگ میں ہونے والے پر ٹی آئی کے انتخابی جلسے میں جب عمران خان نے پی ٹی آئی، مسلم لیگ (ق) اور پی پی کی مقامی قیادت کی اسٹیج پر موجود گی میں دوران تقریر فواد چودھری کے متوجہ کرنے کے باوجود آصف زرداری کی کرپشن کا ذکر کرتے ہوئے انہیں ٹھیک ٹھاک لتاڑتوں اس پر نہ صرف پنڈال میں موجود پی پی کارکنوں نے ان کے خلاف نعرے لگائے بلکہ اسٹیج پر موجود پی پی اور پی ٹی آئی کے مقامی لیڈ بھی پہلو بدلتے دکھائی دیتے۔ مقامی ذرائع کے مطابق اب آخری کوشش کے طور پر پرویز الہیٰ خود بھی 10 اپریل سے اس حلقے کا چاروزہ دورہ شروع کر رہے ہیں۔ دوسری طرف مجموعی طور پر مسلم لیگ (ن) کے ملک شہریار اعوان کی پوزیشن مستحکم دکھائی دے رہی ہے۔ جبکہ پی ٹی آئی کے امیدوار کی پوزیشن کا اندازہ اس سے کیا جا سکتا ہے کہ 2 اپریل کے عمران خان کے جلسے کیلئے پی ٹی آئی نے جہلم میانوالیل خوشاب اور راولپنڈی تک سے کارکن منگوائے۔ جلسہ سجانے کیلئے مسلم لیگ (ق) بھی حلقہ پی پی 22 سے کارکن کٹھے کر کے لائی تھیں جبکہ پی پی کے کارکن بھی جلسہ گاہ میں موجود تھے۔ لیکن اس کے باوجود جلسہ گاہ میں موجود ایک بااعتماد مقامی ذریعے کے مطابق وہاں صرف آٹھ سے دن ہزار لوگ موجود تھے۔

مانسہرہ (خصوصی رپورٹ) ترجمان خیبر پختونخوا حکومت نے ہزارہ سمیت ملک میں15 نئے صوبے بنانے کا مطالمہ کر دیا۔ مسلم لیگ ن کی وفاقی حکومت صوبہ ہزارہ کے قیام کیلئے خیبر پختونخوا اسمبلی کی منظور کردہ قرار داد کو قومی اسمبلی میں پیش کرے ۔ ان خیالات کا اظہار ترجمان خیبر پختونخوا حکومت مشتاق احمد غنی نے مانسہرہ پریس کلب کی نومنتخب کابینہ کی حلف برداری کی تقریب سے خطاب کرتے ہوئے کیا۔ انہوں نے کہا کہ خیبر پختونخوا اسمبلی نے 2014ء میں صوبہ ہزارہ کی قرار داد وفاقی حکومت کی ذمہ داری ہے کہ وہ خیبر پختونخوا اسمبلی صوبہ ہزارون کی قرارداد قومی اسمبلی اور سینیٹ سے منظور کروا کر اپنا انتخابی وعدہ پورا کرے۔ صوبائی مشیر اطلاعات مشتاق احمد غنی نے کہا کہ پنجاب میں اپنے اقتدار اور اجارہ داری کو قائم رکھنے کیلئے مسلم لیگ ن نئے صوبوں کی مخالفت کر ہی ہے انہوں نے مزید کہا کہ تحریک انصاف نے اپنی ذمہ داری پوری کر دی ہے ہمارا مطالبہ ہے کہ ملک میں کم از کم 15 نئے صوبے بنائےں جائیں۔

لاہور(خصوصی رپورٹ)جعلی پیروں کو پانچ لاکھ روپے تک جرمانہ اور 5 سے 7سال تک سزا دی جائیگی،جعلی پیروں کے حواریوں کو بھی تین سے پانچ سال تک سزا دی جائیگی۔صوبے کے تمام مزارات کو رجسٹرڈ بھی کیا جائیگا،،سفارشات محکمہ مذہبی امور نے تیار کر لیں جوجلد وزیراعلی کو پیش کی جائیں گی۔ معتبر ذرائع کے مطابق صوبائی وزیر مذہبی امور زعیم حسین قادری کی سربراہی میں ہونیوالے اہم اجلاس میں جب یہ پوچھا گیا کہ پنجاب میں کتنے جعلی پیر اور نجومی ہیں، اور مزارات کتنے ہیں، کتنے ایسے ہیں جوسرکارکی تحویل میں نہیں ہیں،تو معلوم ہوا کہ متعلقہ محکمے کے پاس ایسا کوئی ڈیٹا ہی موجود نہیں ، جس پر صوبائی وزیر کی جانب سے سخت ناراضی کا اظہار کیا گیا،انہوں نے حکم دیا کہ وہ فوری طورپر معاملات کو کنٹرول کریں اور صوبہ بھر سے تمام ڈیٹا مرتب کریں۔ذرائع کا کہنا ہے کہ اجلا س میں بتایا گیا کہ ماضی میں ایسے مراسلے بھی جاری کئے جاتے رہے ہیں کہ پنجاب میں بھر میں جعلی پیروں و عاملوں کے خلاف آپریشنز کئے جائیں جن میں سے کچھ افراد کو گرفتار بھی کیا گیا جبکہ اب مزید اس پر کارروائی سخت کر دی جائیگی۔ اجلاس میں یہ بھی بتایا گیا کہ جعلی پیرو عامل نہ صرف کئی گھرانوں کو اجاڑنے کے ذمہ دار ہیں بلکہ ایسے عناصر بھیس بدل کر قانون کی گرفت سے بچنے کیلئے مختلف روپ دھار چکے ہیں ،اسی آڑ میں جرائم پیشہ عناصر فرار ہوجاتے ہیں ۔ اس پر صوبائی وزیر زعیم حسین قادری نے کہاکہ اس پر قانون سازی کی جائے اور جو بھی ایسا کرتے ہیں ان کو کم از کم پانچ سال سے سات سال تک سزادی جائے ، اس کو جیل میں بند رکھا جائے اور دیگر سزائیں بھی دی جائیں۔جبکہ زعیم قادری کے حکم پر محکمہ مذہبی امور کی جانب سے قانون سازی شروع کر دی گئی اور اس کی ابتدائی سفارشات تیار کی گئی ہیں، جن میں مزید کہا گیا ہے کہ جو بھی اس غیر قانونی فعلی میں ملوث ہو گا اس کو بھی سزا دی جائیگی۔ اس حوالے سے زعیم قادری نے کہا کہ جعلی پیروں ، مزارات سے متعلقہ قانون سازی کی جارہی ہے ، جعلی پیروں ،نجومیوں اور عاملوں کوکم از کم پانچ سال تک سزا دی جائیگی،سفارشات جلد وزیراعلی کو بھجوائی جائیں گی۔ پنجاب حکومت نے صوبے کے تمام درباروں اور آستانوں کو محکمہ اوقاف کے کنٹرول میں دینے کا فیصلہ کیا ہے۔ صوبے کے تمام چھوٹے بڑے درباروں‘ آستانوں کی تفصیلات اکٹھی کی جائیں گی۔ گدی نشین‘ متولی‘ انتظامی کمیٹیوں کے متعلق معلومات لی جائیں گی۔ اس کے ساتھ ساتھ ان درباروں پر ہونے والی رسومات اور دیگر تقریبات کا ڈیٹا بھی لے جائے گا۔ اسی طرح ایسے درباروں اور آستانوں کے متعلق بھی پالیسی تشکیل دی جائے گی جہاں گدی نشینی یا نتظامی امور پر گروپس بنے ہیں اور ان کے مابین اختلافات چل رہے ہیں۔ ذرائع کا کہنا ہے کہ وزیراعلیٰ پنجاب میاں شہبازشریف کے حکم پر ان اقدامات کیلئے ورکنگ شروع کردی گئی ہے۔ صوبے میں محکمہ اوقاف کے زیرکنٹرول صرف 535 دربار ہیں جبکہ ہزاروں چھوٹے بڑے دربار اور آستانے ایسے ہیں جن کے معاملات انفرادی طور پر چلائے جارہے ہیں اور محکمہ اوقاف کی ان میں قطعی کوئی مداخلت نہیں۔