سپریم کورٹ کے فیصلے سے پہلے نواز شریف یہ کرینگے، اہم سیاسی پارٹی کے سربراہ کے بیان سے کھلبلی مچ گئی

اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید نے کہا ہے کہ عابد شیر علی سمیت مسلم لیگ(ن) کو پتہ چلا گیا ہے کہ پانامہ میں کیا فیصلہ آنے والا ہے اس لئے عابد شیر علی نے کہا کہ نواز مائنس فارمولا کامیاب نہیں ہونے دیں گے سپریم کورٹ کے فیصلے سے پہلے نواز شریف ہمیشہ کی طرح اپنے سر پر کلہاڑی مار دے گا ۔ عید کے بعد سڑکوں پر ہوں گے ۔ 14 جون کو عمرے پر جا رہا ہوں ان خیالات کا اظہار شیخ رشید احمد نے نجی ٹی وی چینل سے گفتگو میں کیا انہوں نے کہا کہ تحریک انصاف کے چیئرمین عمران خان نے تیاری کر لی ہے کہ عید کے بعد سڑکوں پر آئیں گے اور خواہش ہے کہ تمام پارٹیاں بھی ہمارا ساتھ دیں ۔ مولانا فضل الرحمان کے علاوہ تمام سیاسی پارٹیوں سے رابطہ کروں گا ۔ شیخ رشید نے کہا کہ وہ 14 جون کو عمرے کی ادائیگی کے لئے سعودی عرب جا رہے ہیں اور دعا کریں گے کہ قوم کرپٹ سیاستدانوں سے آزاد ہو ۔ شیخ رشید نے عابد شیر علی کی تقریر کے بارے میں کہا کہ عابد شیر علی اور مسلم لیگ (ن) کے اہم رہنماﺅں کو پانامہ کیس کا فیصلے بارے علم ہو گیاہے اس لئے جے آئی ٹی میں پھوٹ ڈالنے کی کوشش کی جا رہی ہے اور محسوس ہو رہا ہے کہ سپریم کورٹ کے فیصلے سے پہلے نواز شریف ماضی کی طرح اپنے پیروں پر کلہاڑی ماریں گے۔ دریں اثناءعوامی مسلم لیگ کے سربراہ شیخ رشید نے کہا ہے کہ کل سے شروع ہونے والا ہفتہ بہت اہم ہے جے آئی ٹی مریم نواز، اسحاق ڈار یا نوازشریف کو بلا سکتی ہے۔ نجی ٹی وی سے انٹرویو میں انہوں نے کہا سییف الرحمن قطری شہزادے کے پاﺅں پکڑ رہا ہے۔ لیکن قطری شہزادہ پاکستان نہیں آئے گا میرے خیال میں جے آئی ٹی کو سکیورٹی ملنی چاہئے جے آئی ٹی عوام کے معیار پر پورا اترے گی جے آئی ٹی کے بعد سپریم کورٹ نے فیصلہ دینا ہے۔ انہوں نے کہا محمد زبیر نے گورنر ہاﺅس کو میڈیا سیل بنا دیا ہے۔ ن لیگ کا میڈیا سیل دبئی منتقل ہو جائے گا۔ انہوں نے کہا میں ساری اپوزیشن کو نوازشریف کے خلاف متحد ہوتے دیکھ رہا ہوں اگلے الیکشن میں نوازشریف اور عمران خان کے درمیان مقابلہ ہو گا تمام پارٹیاں گو نواز گو کے لئے تیار ہی ںاکتوبر نومبر میں الیکشن ہو سکتے ہیں اگر نوازشریف نااہل ہوئے تو اادھی مسلم لیگ ن ”پھر“ سے اڑ جائے گی۔