لاہور (خصوصی رپورٹ) پارکس اینڈ ہارٹیکلچر اتھارٹی نے صوبائی دارالحکومت کے مختلف علاقوں میں 18 نئے پارکس بنانے کا منصوبہ تیار کرلیا جس کے لئے ترقیاتی بجٹ میں 12 کروڑ روپے مختص کردیئے گئے۔ بتایا گیا ہے کہ شاداب کالونی بلاک اے‘ بی‘ سی‘ کلاں خورد‘ بسین‘ جھولیکی‘ نروار‘ گروہ مانگٹ اور ہڈیارہ میں 70 لاکھ کے فنڈز سے پارکس تعمیر کئے جائیں گے۔ اٹاری اور باہو بولے گاﺅں میں فی پارک 56 لاکھ کی لاگت سے تعمیر کیا جائے گا۔ منصوبے کے نئے مالی کے آغاز میں تعمیراتی کام شروع کردیا جائے پی ایچ اے مختلف علاقوں میں 18 پارکس بنانے کا ارادہ رکھتا ہے۔
