لاہور(آئی این پی)پاکستان کرکٹ بورڈ کے چیئرمین شہریارخان ان کا تین سالہ دور کامیاب رہا، مشکلات کے باوجو بڑی کامیابیاں ملیں، قومی ٹیم نے آئی سی سی چیمپیئنزٹرافی جیتی جو ایک کارنامہ ہے، ٹیسٹ میں نمبرون ٹیم بننا بھی کسی اعزاز سے کم نہ تھا۔ وہ اس لئے مطمئن ہوکرجارہے ہیں۔ایک انٹرویو میں شہریارخان کاکہنا تھا کہ پاکستان کرکٹ بورڈ خوش اسلوبی سے کام کررہا ہے لیکن بورڈ میں کچھ شعبے ابھی بھی دھکااسٹارٹ ہیں کوشش کے باوجود انہیں پوری طرح فنکشن نہیں کرپائے جس کا انہیں افسوس ہے۔ البتہ بہتری کی گنجائش موجود ہے۔انہوں نے مزید کہا کہ اپنے تین سالہ مدت میں وہ ملک میں انٹرنیشنل کرکٹ بحال نہ کرسکے جس کا انہیں ملال رہے گا۔ امید ہے کہ نئے آنے والے چیئرمین کرکٹ بحالی اور بہتری کیلئے کام کریں گے۔ شہریار خان 2014 میں تین سال کیلئے چیئرمین بنے تھے جن کی مدت ختم ہورہی ہے جس کے بعد نجم سیٹھی چیئرمین کے مضبوط امیدوار ہیں۔
