عید کے موقع پر یاسین ملک بارے افسوسناک خبر

سرینگر (خصوصی رپورٹ) مقبوضہ کشمیر میں بھارتی پولیس نے جموں کشمیر لبریشن فرنٹ کے چیئرمین محمد یاسین ملک کو پارٹی رہنما بشیر احمد کشمیری کے ہمراہ گرفتار کرنے کے بعد سینٹرل جیل منتقل کر دیا ہے۔ کشمیر میڈیا سروس کے مطابق پولیس کی ایک بھاری جمعیت نے جمعہ کو دوپہر کے بعد سرینگر میں لبریشن فرنٹ کے دفتر پر چھاپہ مار کر انہیں گرفتار کرلیا۔محمد یاسین ملک نے گرفتاری سے قبل میڈیا کے نمائندوں سے بات کرتے ہوکہا کہ ماضی میں بدترین ظالم حکمرانوں تک کا وطیرہ رہتاتھا کہ وہ عید کے موقوع پر نظر بندوں رہا کردیا کرتے تھے لیکن اب خوشی بھر تہواروں پر بھی آزادای پسند رہنماﺅں، کارکنوں اور عام کشمیری نوجوانون کو پکڑ پکڑ کر جیلوں ، تھانوںاور تفتیشی مراز میں پہنچا دیا جاتا ہے۔ انہوں نے کہا کہ دختران ملت کی علیل سربراہ سیدہ آسیہ اندرابی اور انکی ساتھی فہمیدہ صوفی کو ہسپتال سے گھسیٹ کر نکالنے کے بعد دوبارہ جموں جیل منتقل کیا گیا جو جمہوری لبادے میں ان ظالم حکمرانوں کی اخلاقی پستی کو ظاہر کرتا ہے۔