باﺅلرز کیلئے خوف کی علامت ،مایہ ناز بلے باز کرس گیل نے ریٹائرمنٹ کا علان کر دیا

ہرارے (ویب ڈیسک) ویسٹ انڈیز کے مایہ ناز بلے باز اور ٹی 20 کرکٹ میں باو¿لرز کی دھجیاں اڑانے سے شہرت رکھنے والے کرس گیل نے ورلڈکپ 2019ئ کو اپنا آخری ٹورنامنٹ قرار دیدیا ہے جس کے باعث پوری دنیا میں اپنے مداحوں افسردہ ہو گئے ہیں۔کرس گیل ورلڈکپ کوالیفائنگ راو¿نڈ کھیلنے کیلئے زمبابوے میں موجود تھے جہاں انہوں نے متحدہ عرب امارات کیخلاف میچ میں شاندار سنچری بھی سکور کی مگر اس کے بعد کے میچوں میں خاطرخواہ کارکردگی دکھانے میں ناکام رہے۔ ویسٹ انڈیز کی ٹیم نے ورلڈکپ 2019ئ کیلئے کوالیفائی کر لیا ہے جو انگلینڈ اینڈ ویلز میں کھیلا جائے گا۔
ویسٹ انڈیز کا ورلڈکپ کیلئے کوالیفائی کرنے پر کرس گیل نے خوشی کا اظہار کیا لیکن ساتھ ہی اس ٹورنامنٹ کو اپنے کیرئیر کا آخری ٹورنامنٹ بھی قرار دیدیا اور کہا کہ چونکہ یہ میرا آخری ورلڈکپ ہے اس لئے میں خود کو مکمل فٹ رکھ کر بہترین کارکردگی دکھانے کی بھرپور کوشش کروں گا۔