میدان کا کپتان گھر میں جورو کا غلام

نئی دہلی ( ویب ڈیسک ) بھارتی کرکٹ کپتان ویرات کوہلی میدان میں تو ساتھی کھلاڑیوں کو ہدایات دیتے نظر آتے ہوں لیکن گھر میں خود ان کی” کپتان“اہلیہ انوشکا شرما ہیں۔حال ہی میں ایک انٹرویو کے دوران ویرات کوہلی نے انوشکا شرما سے اپنے تعلق کے حوالے سے کچھ باتیں شیئر کیں جس کی ویڈیو سوشل میڈیا پر وائرل ہوچکی ہے۔ انٹرویو کے دوران جب ویرات سے سوال کیا گیا کہ میدان سے باہر (یعنی گھر میں) کپتان کون ہوتا ہے؟ ،تو کوہلی نے برجستہ جواب دیا،” بلاشہ انوشکا“۔بھارتی کرکٹ ٹیم کے کپتان نے انوشکا کے حوالے سے مزید کہا کہ ” وہ زندگی میں ہمیشہ درست فیصلے کرتی ہے، وہ مکمل طور پر میری طاقت ہے، جو مجھے ہمیشہ مثبت رہنے میں مدد دیتی ہے اور یہی سب کچھ آپ اپنے لائف پارٹنر میں دیکھنا چاہتے ہیں اور میں اس کے لیے بہت شکرگزار ہوں۔ کرکٹ میں انوشکا کی دلچسپی کے حوالے سے ویرات کوہلی کا مزید کہنا تھا کہ ” وہ اس کھیل کے حوالے سے بہت پرجوش ہے، وہ کرکٹ کو سمجھتی ہے اور اس سے جڑے کھلاڑیوں کے جذبات کو بھی سمجھ سکتی ہے کہ وہ کس قسم کی صورتحال سے گزر رہے ہیں اور میرے خیال میں یہ چیز سب سے خوبصورت ہے“۔