مظفرگڑھ(ویب ڈیسک) الیکشن مہم میں لاکھوں روپے مالیت کی لگڑری گاڑی استعمال کرنیوالے جمشید دستی کی کاغذات نامزدگی جمع کرانے کے لیے گدھا گاڑی پر آئے ، جمشید دستی ہاتھ جھاڑو اور ماتھے پر پاکستان زندہ باد کا نعرہ والی پٹی باندھ کر گدھا ریڑھی پر بیٹھ کر ریٹرنگ آفیسر کے دفتر کاغذات نامزدگی جمع کرانے پہنچے۔ تفصیل کے مطابق عوامی راج پارٹی کے سربراہ جمشید دستی نے اپنی مہنگی گاڑی چھوڑ کر گدھا ریڑھی پر کاغذات نامزدگی جمع کرانے کا دلچسپ انداز اپنایا۔ لیکن انہوں نے ایک بار پھر 2018 کے عام انتخابات سے قبل ہاتھ میں جھاڑو تھامے گدھا ریڑھی پر بیٹھ کر جلوس کے ہمراہ ریٹرننگ آفیسر کے دفتر پہنچے جہاں انہوں نے تین قومی اسمبلی اور ایک صوبائی اسمبلی کی نشست کے لیے کاغذات نامزدگی جمع کروائے ہیں۔ اس بار جمشید دستی نے ماتھے پر تخت لاہور کے قیدی کے نعرے کے بجائے پاکستان زندہ باد کے نعرے والی پٹی باندھی ہوئی تھی۔
جمشید دستی کاغذات نامزدگی جمع کرانے گدھا گاڑی پر پہنچ گئے
