واشنگٹن (مانیٹرنگ ڈیسک) دہشتگردی کیخلاف امریکہ نے پاکستان سے ایک مرتبہ پھر ڈو مور کا مطالبہ کر دیا۔ نجی ٹی وی کے مطابق امریکی قومی سلامتی کے مشیر جان بولٹن نے اپنے ایک ٹویٹ پیغام میں کہا ہے کہ وزیرخارجہ شاہ محمود قریشی سے ٹیلی فون پر بات چیت ہوئی۔ شاہ محمود قریشی سے دہشتگردوں کیخلاف موثر کارروائی کا کہا۔ پاکستانی وزارت خارجہ نے دہشتگرد عناصر کیخلاف موثر کارروائی کی یقین دہانی کروائی ہے۔ پاکستان نے بھارت کشیدگی کم کرنے کی یقین دہانی کرائی ہے۔وزیر خارجہ سے امریکہ کے مشیر قومی سلامتی نے ٹیلیفونک رابطہ کیا ہے، شاہ محمود قریشی نے جان بولٹن کو بھارتی جارحانہ عزائم کے ممکنہ خدشات سے آگاہ کیا۔ وزیر خارجہ شاہ محمود قریشی سے امریکی مشیر برائے سلامتی جان بولٹن کی ٹیلی فونک گفتگو ہوئی ہے، اس موقع پر پلوامہ واقعے کے بعد خطے میں امن وامان کی صورتحال پر تبادلہ خیال کیا گیا۔شاہ محمود قریشی نے امریکی عہدیدار کو26فروری کو جانے والی بھارتی جارحیت کی تفصیلات کے آگاہ کیا انہوں نے کہا کہ دراندازی یو این چارٹر کے بھی منافی تھی، بھارتی جارحیت کے خلاف پاکستان کا بھرپور جواب اپنے دفاع میں تھا، ہم خطے میں امن و امان کے خواہاں ہیں۔شاہ محمود قریشی کا مزید کہنا تھا کہ وزیراعظم نے جذبہ خیرسگالی کے تحت بھارتی پائلٹ کو واپس بھجوایا، پاکستانی ہائی کمشنر سہیل محمود مشاورت کے بعد بھارت واپس پہنچ چکے ہیں،14مارچ کو کرتار پور راہداری معاہدے کیلئے وفد بھارت جارہا ہے۔ٹیلی فون پر ہونے والی اس گفتگو میں ایمبیسڈر جان بولٹن نے امن کیلئے پاکستان کے مثر اقدامات کو سراہتے ہوئے کہا کہ امریکی وزیر خارجہ مائیک پومپیو شمالی کوریا کی قیادت سے اہم مذاکرات میں مصروف تھے اس کے باوجود اس تمام صورتحال میں پاک بھارت قیادت سے رابطے میں رہے۔انہوں نے اس بات پر اتفاق کیا کہ وزیر خارجہ نے بھارتی جارحانہ عزائم کے ممکنہ خدشات سے آگاہ کیا، ایمبیسڈر جان بولٹن نے افغان امن عمل میں پاکستان کے مثر کردار کی تعریف کی، اس موقع پر دونوں رہنماں نے مشترکہ کاوشیں جاری رکھنے کے عزم کا اعادہ بھی کیا۔
Foreign Minister Shah Mehmood Qureshi has said dialogue is the only way forward to resolve the longstanding issue of Kashmir.
