ترکی نے قطر اور سعودی عرب میں زمینی، فضائی اور سمندری سرحدیں کھولنے کے فیصلے کا خیر مقدم کیا ہے۔
ترکی کی وزارت خارجہ نے اپنے ایک بیان میں کہا کہ سرحدیں دوبارہ کھولنا خلیج میں تنازع کےحل کی جانب اہم قدم ہے، کویت اور دوسرے بین الاقوامی عناصر کی کوششیں قابل تعریف ہیں۔
ترک وزارت خارجہ نے کہا کہ اُمید ہےخود مختاری کے باہمی احترام کی بنیاد پر تنازع کے دیرپا حل تک پہنچا جائے گا، اُمید ہے قطری عوام کے خلاف دوسری پابندیاں بھی جلد اُٹھالی جائیں گی۔
انہوں نے مزید کہا کہ ترکی خلیج میں استحکام کے لیے تمام کوششوں کی حمایت جاری رکھے گا۔
