دپیکا اور ہریتھک پہلی بار ایک ساتھ فلم میں جلوے بکھیریں گے

ممبئی: (ویب ڈیسک) بالی ووڈ اسٹارز ہریتھک روشن اور دپیکا پڈوکون پہلی بار ایک ساتھ فلم ’فائٹر‘ میں کام کرنے جارہے ہیں۔
میڈیا رپورٹس کے مطابق معروف اداکارہ دپیکا پڈوکون اور نامور اداکار ہریتھک روشن پہلی بار ایک ساتھ فلم میں جلوے بکھیریں گے، فلم فائٹر کی شوٹنگ کا آغاز رواں سال ستمبر میں ہوگا اور فلم 2023 میں ریلیز کی جائے گی۔ فی الحال دونوں شخصیات اپنے اپنے پروجیکٹس میں مصروف ہیں۔
ہریتھک کی سپر ہٹ فلمیں وار اور بینگ بینگ کے بعد ہدایت کار سدھارتھ آنند نے اپنی نئی آنے والے فلم فائٹر کے لیے انہیں اور دپیکا پڈوکون کو کاسٹ کیا۔ مذکورہ فلم ایکشن اور تھرلر سے بھرپور ہوگی۔
رپورٹ میں بتایا گیا کہ فلم سازوں نے فائٹر کے لیے 250 کروڑ کا بجٹ مختص کیا ہے، اس فلم کا اعلان تقریباً ایک سال قبل ہوا تھا تاہم اب اس کی شوٹنگ کی شروعات ہونے جارہی ہے۔
ہریتھک روشن ان دنوں وکرم ویدھا فلم کی شوٹنگ میں مصروف ہیں جو ممکنہ طور پر مئی تک مکمل ہوجائے گی جس کے بعد ہی وہ فائٹر کے لیے کام کا آغاز کریں گے۔ نئی فلم میں وہ ایئرفورس آفسر کا کردار نبھائیں گے جس کے لیے انہیں اپنا وزن بھی کم کرنا ہوگا کیوں کہ اداکار نے وکرم ویدھا کی شوٹنگ تک اپنا وزن بڑھا رکھا ہے۔
دوسری جانب دپیکا پڈوکون بھی اپنی نئی آنے والی فلم پٹھان کی شوٹنگ کے لیے اسپین گئی ہوئی ہیں۔ وہ اس پروجیکٹ میں بالی ووڈ کنگ خان کے ساتھ جلوے بکھیریں گی۔