کرائسٹ چرچ: (ویب ڈیسک) سہ ملکی ٹی 20 کرکٹ سیریز کے افتتاحی میچ میں پاکستان نے بنگلادیش کو 21 رنز سے شکست دے دی۔
کرائسٹ چرچ میں کھیلے جانے والے میچ میں بنگلادیش نے ٹاس جیت کر پہلے فیلڈنگ کا فیصلہ کیا ، پاکستان نے پہلے بیٹنگ کرتے 167 رنزبناتے ہوئے بنگلادیش کو جیت کے لیے 168 رنز کا ہدف دیا۔
قومی ٹیم نے مقررہ 20 اوورز میں 5 وکٹوں کے نقصان پر167 رنز بنا ئے وکٹ پر اوپنر محمد رضوان 78 رنز اور محمد نواز 6 رنز بنا کرناٹ آؤٹ رہے۔
میچ میں قومی ٹیم کی پہلی وکٹ 7 ویں اوور میں 52 کے سکور پر گری جب کپتان بابر اعظم 22 رنز بنا کر مستفیض کی بال پر مہدی حسن کو کیچ دے بیٹھے بعد ازاں شان مسعود 31 ، افتخار احمد 13 ، حیدر علی 6 اور آصف علی 4 رنز بناکر آؤٹ ہو گئے۔
قومی ٹیم کے ہدف کے تعاقب میں بنگلا دیش کے اوپنر مہدی حسن 10 رنز پر محمد وسیم کی گیند پر پویلین لوٹ گئے جبکہ شبیر رحمان کو فاسٹ باؤلر حارث رؤف نے اپنی ہی گیند پر کیچ آؤٹ کیا۔
محمد نواز نے 13 ویں اوور میں بنگلا دیشی بیٹر لٹن داس کو 35 رنز پر کیچ آؤٹ کیا جس کے بعد محمد نواز اگلی ہی گیند پر پاکستان کے لیے مصدق حسین کی چوتھی وکٹ حاصل کرنے میں کامیاب رہے، پانچویں وکٹ فاسٹ باؤلر شاہنواز دھانی اور چھٹی وکٹ نائب کپتان شاداب خان نے لی۔
پاکستان کی طرف سے سب سے زیادہ وکٹیں محمد وسیم جونیئر نے لیں انہوں نے چار اوورز میں 24 سکور دیتے ہوئے تین بنگلہ دیشی کھلاڑیوں کو پویلین کی راہ دکھائی۔
سہ ملکی ٹی 20 سیریز کے پہلے میچ میں بنگلا دیش نے پاکستان کے خلاف ٹاس جیت کر پہلے فیلڈنگ کا فیصلہ کیا تھا۔
شاہینوں کا سہ ملکی ٹی 20 سیریز میں فاتحانہ آغاز، بنگلا دیش کو شکست
