نئی دہلی: (ویب ڈیسک) ٹی ٹوئنٹی ورلڈکپ میں انگلینڈ کے ہاتھوں سیمی فائنل میں 10 وکٹوں سے شکست کے بعد بھارتی کرکٹ بورڈ نے مینز کرکٹ ٹیم کی سینیئر سلیکشن کمیٹی کو برطرف کر دیا۔
بھارتی میڈیا مطابق بی سی سی آئی نے چیتن شرما کی قیادت والی سینیئر سلیکشن کمیٹی کو برطرف کر دیا ہے۔سلیکشن کمیٹی 4 ارکان پر مشتمل تھی۔
بی سی سی آئی نے سینیئر سلیکشن کمیٹی کے ارکان کی برطرفی کے ساتھ ہی بھارتی کرکٹ ٹیم کے سلیکٹرز کے عہدے کے لیے درخواستیں بھی طلب کی ہیں۔
چیتن شرما کے دور میں، بھارت ٹی 20 ورلڈ کپ 2021 میں بھی ناک آؤٹ مرحلے تک پہنچنے میں ناکام رہا تھا جبکہ ورلڈ ٹیسٹ چیمپئن شپ کے فائنل میں بھی ہار گیا تھا۔
تاہم اب آسٹریلیا میں ہونے والے ٹی ٹوئنٹی ورلڈکپ کے سیمی فائنل میں شکست کے بعد بھارتی ٹیم کی سلیکشن کمیٹی پر کافی سوال اٹھائے جارہے تھے۔
