اسلام آباد بند کرنے کےلئے تحریک انصاف کا پلان ”اے،بی“ تیار

لاہور (ڈیسک) تحریک انصاف سنٹرل پنجاب کی طرف سے 2 نومبر کو لاک ڈاو¿ن اسلام آباد کےلئے مختلف پلان تشکیل دیے جا رہے ہیں جن کے مطابق حکومت کی طرف سے پکڑ دھکڑ کی شکل میں سیالکوٹ ،گجرانوالہ یا کسی اور شہر سے جانے کے ہنگامی طور پرانتظامات کیے جائیں گے پی ٹی آئی نے پلان اے اور بی تیار کر لیے ہیں اور امکان یہی ہے کہ 2نومبر کو قذافی سٹیڈیم لاہور سے مرکزی جلوس اسلام آباد کا رخ کرے گا پی ٹی آئی سنٹرل پنجاب کے صدر عبدالعلیم خان نے کہا کہ وزراءکو عمران فوبیا ہو چکا ہے جو سرکاری سرگرمیاں چھوڑ کر ہر 2گھنٹے بعد پی ٹی آئی کے خلاف پریس کانفرنس کرنے بیٹھ جاتے ہیں عبدالعلیم خان نے کہا کہ حکمران خاطر جمع رکھیں عوام اب رکنے والے نہیں اور 2نومبر حکمرانوں کا یوم حساب بن کر رہے گا عبدالعلیم خان نے کہا کہ انشاءاللہ اسلام آباد کو لاک ڈاو¿ن کرنے میں سنٹرل پنجاب کے اضلاع سب سے آگے ہوں گے اور حکمرانوں کو تلاشی یا رخصتی پر مجبور کر کے دم لیں گے عبدالعلیم خان نے کہا کہ وزیر اعظم ساڑھے3برسوں تک وزارت عظمیٰ” انجوئے "کرنے کے بعد اب مگر مچھ کے آنسو بہانے سے باز رہیں اور عوام کو اپنی نا اہلی اور ناکامی کی اصل وجوہات سے آگاہ کریں انہوں نے کہاکہ 1985سے برسر اقتدار خاندان ٹسوے بہا کر مظلوم نہیں بن سکتا عوام ان کی اصلیت سے بخوبی آگاہ ہو چکے ہیں ۔ پی ٹی آئی سنٹرل پنجاب کے مختلف اضلاع پارٹی رہنماو¿ں کے مشاورتی اجلاس سیکرٹری جنرل جہانگیر خان ترین کی زیر صدارت منعقد ہوئے جہاں عبدالعلیم خان نے2نومبر کے حوالے سے تفصیلی بریفنگ دی انصاف سٹوڈنٹس فیڈریشن کے طالب علموں نے گلریز اقبال کی سربراہی میں صدر سنٹرل پنجاب عبدالعلیم خان سے ملاقات میں یقین دلایا کہ 2نومبر کو نوجوانوں کا ہرآول دستہ سب سے آگے ہو گا اور ماضی کی طرح عمران خان کی کال پر لبیک کہیں گے ایم پی اے شعیب صدیقی بھی اس موقع پر موجود تھے عمران ٹائیگر فورس کی صدر ثانیہ کامران اور سید راشد ریاض نے بھی عبدالعلیم خان سے اجلاس منعقد کیا اور 2نومبر کی حکمت عملی کے حوالے سے تبادلہ خیال کیا سنٹرل پنجاب کے اضلاع قصور ،ننکانہ صاحب ،شیخوپورہ اور سیالکوٹ سے بھی تحریک انصاف کے رہنماو¿ں اور سابق امیدواران قومی و صوبائی اسمبلی نے اپنے ساتھیوں سمیت چئیرمین سیکرٹریٹ لاہور میں صدر سنٹرل پنجاب سے ملاقات کی اور انہیں اپنی بھرپور شرکت کا یقین دلایا ۔