رواں مالی سال کے چھ ماہ کے دوران نجی شعبے کے قرضوں میں دُگنا اضافہ

کراچی: (ویب ڈیسک) رواں مالی سال کے چھ ماہ کے دوران نجی شعبے کے قرضوں میں دو گنا اضافہ ریکارڈ کیا گیا۔
سٹیٹ بینک کے جاری اعداد و شمار کے مطابق جولائی سے دسمبر 2021 کے دوران نجی قرضوں میں اضافہ ریکارڈ کیا گیا۔ چھ ماہ کے دوران نجی شعبے کے قرضوں کا حجم 1013 ارب روپے تک پہنچ گیا جبکہ جولائی سے دسمبر 2020 کے دوران نجی شعبے کے قرضے 344 ارب روپے تک محدود تھے۔
روایتی بینکاری کے تحت 706 ارب روپے اور اسلامک بینکاری کے تحت 124 ارب روپے کے قرضے دیئے گئے۔ اس کے علاوہ وہ بینکس جن کی روایتی اور اسلامی بینک شاخیں موجود ہیں ان کے ذریعے 183 ارب روپے کے قرض دیئے گئے۔