دھرنا پارٹی نے ملکی ترقی اور خوشحالی کیخلاف گھناﺅنی سازش کی

لاہور(اپنے سٹا ف رپورٹر سے) وزیراعلیٰ محمد شہبازشریف سے پنجاب اسمبلی میں ان کے چیمبر میں مختلف اضلاع سے تعلق رکھنے والے اراکین اسمبلی نے ملاقاتیں کیں ۔وزےراعلیٰ محمد شہبازشرےف نے اراکےن اسمبلی سے گفتگو کرتے ہوئے کہا کہ پنجاب حکومت نے آئندہ مالی سال کیلئے متوازن اور تیز رفتار ترقی پر مبنی شاندار بجٹ پیش کیا ہے۔ تعلیم، صحت، پینے کے صاف پانی کی فراہمی اور دیگر سماجی شعبوں کی ترقی پر خصوصی توجہ دی گئی ہے۔ دیہی اور پسماندہ علاقوں کی ترقی کیلئے ریکارڈ فنڈز مختص کئے گئے ہیں،اسی طرح جنوبی پنجاب کے عوام کے معیار زندگی کو بلند کرنے کیلئے تاریخ ساز وسائل رکھے گئے ہیں۔ جنوبی پنجاب کی ترقی و خوشحالی کےلئے فنڈز کا تناسب وہاں کی آبادی کے مقابلے مےں پہلے سے زےادہ رکھا گےا ہے ۔انہوںنے کہا کہ25 ارب روپے کی لاگت سے پینے کے صاف پانی کا پروگرام جنوبی پنجاب کی تمام تحصیلوں میں شروع کیا جائے گاجبکہ22ارب روپے کی لاگت سے خانیوال، لودھراں سڑک پر کام شروع کردیا گیا ہے،اسی طرح17ارب روپے سے مظفر گڑھ ، ڈی جی خان دو رویہ سڑک رواں برس بنے گی۔وزےراعلیٰ نے کہا کہ 635 ارب روپے کے ترقیاتی پروگرام پر عملدرآمد سے صوبے میں ترقی اور خوشحالی کا نیا دور شروع ہوگا۔ وزےراعلیٰ نے کہا کہ پنجاب حکومت نے میرٹ ، شفافیت اور دیانت کو فروغ دیاہے اورصوبے میں اقربا پروری، کرپشن اور سفارش کے کلچر کا خاتمہ کیا گیاہے – وزےراعظم محمد نوازشرےف کی قےادت مےں عوام کی بے لوث خدمت کے سفر کو آگے بڑھاےا ہے ۔انہوںنے کہا کہ رکاوٹوں کے باوجود منصوبے رفتار اور معےار سے مکمل کےے ہےںجبکہ دھرنا پارٹی نے ذاتی مفادات کی خاطر ملک و قوم کی ترقی کے سفر کو داﺅ پر لگایااور20 کروڑ عوام کے مفادات کو نظر انداز کرکے ملک کی ترقی وخوشحالی کے خلاف گھناﺅنی سازش کی،اسی طرح لاک ڈاو¿ن کے ذرےعے ایک بار پھر ملک و قوم پر وار کرنے کی سازش کی گئی تاہم اللہ تعالیٰ کے فضل و کرم اور باشعور عوام کی حماےت سے یہ سازشیں بری طرح ناکام رہیںجبکہ سابق ادوار میں منصوبوں اور اداروں میں کرپشن کے ریکارڈ قائم کئے گئے لےکن ہماری حکومت نے شفافیت، معیار اور رفتار کے نئے ریکارڈ بنائے ہیں۔ وزیراعلیٰ پنجاب محمد شہباز شریف سے یہاں پیچیدہ مرض میں مبتلا لاہور کے علاقے جوہر ٹاﺅن کے رہائشی 3 بہن بھائیوں نے اپنے والدین کے ہمراہ ملاقات کی۔ ملاقات کرنے والوں میں 19 سالہ ندا شاہد، 17 سالہ احمد زبیر اور 12 سالہ ایمان شاہد شامل تھیں۔ وزیراعلیٰ نے اس موقع پر بچوں کے ساتھ شفقت کا اظہار کرتے ہوئے کہا کہ بچوں کیلئے میڈیکل بورڈ تشکیل دے دیا گیا ہے اور میڈیکل بورڈ کی سفارشات کی روشنی میں تینوں بچوں کے علاج معالجے کا انتظام کیا جائے گا۔وزیراعلیٰ شہبازشریف نے کہا کہ میڈیکل بورڈ کی سفارشات کے بعد حکومت بچوں کے علاج معالجے کیلئے جو کچھ ممکن ہوسکا کرے گی۔ وزیراعلیٰ نے بچوں اور ان کے والدین سے گفتگو کرتے ہوئے کہا کہ ان بچوں کے علاج معالجے کیلئے انتظام کرنا میرا فرض ہے اور میری دعا ہے کہ اللہ تعالیٰ بچوں کو مکمل صحت یاب کرے، پنجاب حکومت میڈیکل بورڈ کی سفارشات کی روشنی میں بچوں کے علاج معالجے کیلئے ہرممکن اقدام اٹھائے گی۔ وزیراعلیٰ نے بچوں کو پیار کیا اور ان سے ہاتھ ملایا۔ اس موقع پر بچوں کے والد شاہد زبیر اور والدہ نے وزیراعلیٰ کو دعائیں دیتے ہوئے کہا کہ ہم آپ کے شکر گزار ہیں کہ آپ نے ہمارے بچوں کے مرض کی تشخیص کیلئے میڈیکل بورڈ تشکیل دیا ہے جس کی سفارشات کی روشنی میں ان بچوں کا علاج ممکن ہوسکے گا۔ وزیراعلیٰ پنجاب محمد شہبازشریف سے وفاقی وزیر پلاننگ اینڈ ڈویلپمنٹ احسن اقبال نے ملاقات کی۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ سی پیک حقیقی معنوں میں پاکستان کیلئے ایک گیم چینجر ثابت ہوا ہے اور سی پیک نے پاکستان کی تیز رفتار ترقی کی بنیاد رکھ دی ہے۔انہوں نے کہا کہ چین پاکستان میں55 ارب ڈالر کی تاریخ ساز سرمایہ کاری کر رہا ہے اور اس سرمایہ کاری میں اربوں ڈالر کا مزید اضافہ ہو گا۔پاکستان میں اربوں روپے کے منصوبوں سے ترقی کا سفر تیز ہوا ہے اور وزیراعظم محمد نوازشریف کی قیادت میں ملک ترقی و خوشحالی کی منزل کی جانب تیزی سے بڑھ رہا ہے۔