لندن: برطانوی ڈاکٹروں کی ٹیم نے بیگم کلثوم نوازکے گلے میں کینسر کی ایک اور سرجری کا فیصلہ کرلیا ہے،جس کے تحت سابق وزیراعظم نوازشریف کی اہلیہ کلثوم نوازکو ہسپتال منتقل کردیا گیا ہے،دوسری سرجری میں سینے سے گلٹیاں نکالی جائیں گی۔ میڈیا رپورٹس کے مطابق قائد مسلم لیگ ن نوازشریف کی اہلیہ بیگم کلثوم نواز کو گیارہ دنوں میں دوسری مرتبہ ہسپتال میں داخل کروایا گیا ہے۔کلثوم نواز کی میڈیکل ٹیم نےان کے گلے میں کینسر کی ایک اور سرجری کا فیصلہ کیا ہے۔ کلثوم نوازدوسری سرجری کیلئے آج صبح نوازشریف اور بیٹوں کےہمراہ ہسپتال پہنچیں۔ جہاں پر ان طبی معائنہ کیا جارہاہے۔ واضح رہے کلثوم نواز کی چند روز قبل بھی کیمو تھراپی کی گئ تھی۔ کلثوم نواز کی پہلی سرجری گردن کے ایک طرف کی گئی تھی۔ تاہم کلثوم نواز کی طبیعت کے پیش نظر نواز شریف کی وطن و اپسی کی تاریخ چند روز میں طے کی جائےگی۔