لاہور (شوبز ڈیسک) فلمسٹار میرا نے اداکار احسن خان کے ساتھ فلم میں کام کرنے کی خواہش کا اظہار کر دیا ۔ اس حوالے سے اداکارہ میرا نے کہا کہ احسن خان انتہائی با صلاحیت اداکار ہیں اور وحید مراد کے بعد اگر کسی کو چاکلیٹی ہیرو کا خطاب ملا ہے تو وہ احسن خان ہی ہیں ۔ میری طویل عرصے سے خواہش ہے کہ میں احسن خان کے ساتھ کسی پراجیکٹ میں کام کروں اور اب انکی فلم ” چھپن چھپائی “ دیکھ کر میری ان کے ساتھ فلم میں کام کرنے کی خواہش اور بڑھ گئی ہے ۔ انہوں نے کہا کہ اس وقت فلم انڈسٹری میں جو چند ایک ہیرو ہیں ان میں احسن خان میرے پسندیدہ اداکار ہیں اور لیکس سٹائل ایوارڈ میں انکی نامزدگی پر مبارکباد پیش کرتی ہوں ۔
اور دعا گو ہوں کہ مستقبل میں بھی وہ اسی طرح کامیابیاں حاصل کرتے رہےں۔
