مودی نے غریبوں کی کمائی انیل امبانی پر لٹا دی: راہول گاندھی

نئی دہلی (آئی این پی) بھارت میں کانگریسی راہنما راہول گاندھی نے رافیل ڈیل معاملے پر مودی کو بھارت کا کمانڈر ان تھیف قرار دے دیا، بھارت میں عوام کا چوکیدار ہی چور بن بیٹھا، غریب عوام کی کمائی بزنس مین انیل امبانی پر لٹادی۔ غیر ملکی خبر رساں ادارے کے مطابق بھارت میں کانگریس رہنماراہول گاندھی نے رافیل ڈیل کے معاملے پر نریندرمودی کو کھری کھری سنادیں۔ وزیراعظم نریندر مودی کو کمانڈر اِن تھیف قرار دے دیا۔ کہابھارت میں چوکیدار چور بن گیا،عوام کی جیب پرڈاکا ڈالا، غریب عوام کی کمائی بزنس مین انیل امبانی پر لٹادی۔ کانگریس رہنما راہول گاندھی نے وزیراعظم نریندر مودی کو تازہ ٹوئٹ میں کمانڈر اِن تھیف قرار دیدیا۔ راہول گاندھی نے کہا کہ نریندر مودی تو کہتے تھے وہ ملک کےوزیراعظم نہیں چوکیدار ہے۔ چوکیدار ہی چور نکلا۔ راہول گاندھی نے فرانس کے سابق صدر فرانکوئس اولاندے کے انٹرویو کا کلپ بھی شیئر کیا۔سابق فرانسیسی صدر نےانٹرویومیں کہاکہ بھارت نے فرانس پر دبا ڈالا تھا کہ بھارت میں لوکل پارٹنر کے طور سے انیل امبانی سے معاہدہ کیا جائے۔ راہول گاندھی نےسوال اٹھایا کہ نریندرمودی رافیل ڈیل کو منظرعام پر کیوں نہیں لاتے۔ بتایا جائے انیل امبانی کو ٹھیکہ کیوں دیاگیا۔راہول گاندھی نےنریندرمودی پر ایک لاکھ تیس کروڑ روپے کی چوری کاالزام لگایا۔ راہول گاندھی نےدفاعی معاہدے کوبھارتی فوج پرسرجیکل اسٹرائیک قراردیا۔