بابراعظم اور حسن علی نے مداحوں کی خواہش پوری کر دی

لاہور (ویب ڈیسک) لاہور کے قذافی اسٹیڈیم میں قومی کرکٹرز نے کئی شائقین کی خواہش پوری کردی۔ بیٹسمین بابراعظم اورفاسٹ بالر حسن علی نے فینز سے ملاقات کی اور ان کے ساتھ سیلفیاں بھی بنوائیں۔گراﺅنڈ میں موجود شائقین کے سامنے حسن علی نے اپنا روایتی ایکشن بھی پیش کیا۔ جس کے بعد انہوں نے اسٹینڈ میں موجود دیگر لوگوں کے ساتھ سیلفیاں بھی لیں۔بابراعظم نے بھی اپنے فینز سے ملاقات کی۔سماجی رابطے کی ویب سائٹ پر حسن علی نے لکھا کہ وہ اللہ تعالیٰ کے شکرگزار ہیں کہ آج لوگ ان سے اتنی محبت کرتے ہیں۔ انہوں نے اپنے فینز کا شکریہ بھی ادا کیا۔