کراچی : (ویب ڈیسک) صوبائی دارالحکومت کے علاقے اورنگی ٹاؤن سیکٹر ساڑھے گیارہ میں شہریوں نے 3 ڈاکوؤں کا گھیراؤ کر لیا۔
کراچی پولیس کے مطابق شہریوں کے تشدد اور فائرنگ کے نتیجے میں ایک ڈاکو ہلاک جبکہ اس کے 2 ساتھی فرار ہوگئے، فرار ملزمان کی گرفتاری کے لئے کارروائی کا آغاز کر دیا گیا ہے۔
پولیس نے بتایا کہ ہلاک ہونے والے ڈاکو کی شناخت راقب کے نام سے ہوئی ہے جس کی عمر 25 سال ہے جبکہ اس سے ملنے والا اسلحہ اور موٹر سائیکل پولیس نے تحویل میں لے لی ہے۔
کراچی : شہریوں کا 3 ڈاکوؤں کا گھیراؤ، تشدد سے ایک ہلاک، 2 فرار
