یورپی ماہرین کا کہنا ہے کہ جانوروں پر مبنی چکنائی (جیسے کہ مکھن) کے بجائے پودوں پر مبنی تیل (زیتون یا گریدار میوہ جات سے حاصل شدہ) قلبی صحت کے لیے بہتر ہوتا ہے۔
ماہرین کی جانب سے لوگوں کو مکھن جیسی سیرشدہ چکنائی کو کم مقدار میں استعمال کرنے پر زور دیا جارہا ہے اور اس کی جگہ بحیرہ روم کے کی غذاؤں میں استعمال ہونے والے پودوں پر مبنی ناسیر شدہ چکنائی کا استعمال کرنے کے لیے کہا جا رہا ہے تاکہ قلبی صحت کو لاحق خطرات کو کم کیا جاسکے۔
وافر مقدار میں سیر شدہ چکنائی کی کھپت خون میں مضر کولیسٹرول کی مقدار میں اضافہ کرتی ہے، جس سے خون کی شریانوں میں چکنائی جم سکتی ہے اور یہ شریانیں تنگ ہوسکتی ہیں جو فالج کے خطرے میں اضافہ کر سکتی ہیں۔
زیادہ مقدار میں کھایا جانا وزن میں اضافے کا سبب بھی بن سکتا ہے جو کہ ٹائپ 2 ذیا بیطس کے خطرات میں سے ایک ہے۔
اب سوئیڈن اور جرمنی سے تعلق رکھنے والے محققین نے ایک مطالعے میں بتایا ہے کہ پودوں پر مبنی تیل کی زیادہ کھپت ہارٹ اٹیک اور فالج کے امکانات میں ایک تہائی کمی جبکہ ذیا بیطس کے خطرات میں 25 فی صد تک کمی لا سکتی ہے۔
