اسپورٹس پریزنٹر زینب عباس نے اپنے ہاں دوسرے بیٹے کی پیدائش کی خوشخبری سنا دی۔
سیاسی رہنما عندلیب عباس اور اسپورٹس اینکر فرسٹ کلاس کرکٹر ناصر عباس کی صاحبزادی زینب عباس نے نومبر 2019 میں حمزہ کاردار سے شادی کی تھی۔
حمزہ کاردار سابق وزیر خزانہ اور اسٹیٹ بینک کے سابق گورنر شاہد حفیظ کاردار کے بیٹے ہیں۔
زینب عباس کے ہاں دسمبر 2021 میں پہلے بیٹے کی پیدائش ہوئی تھی، جس کا نام تیمور حمزہ کاردار رکھا گیا۔
اب انہوں نے نوزائیدہ کیساتھ تصویر شیئر کرتے ہوئے اپنے ہاں ننھے مہمان کی آمد کی اطلاع اپنے چاہنے والوں کو دی۔
زینب نے لکھا کہ ’ ٹی کا چھوٹا بھائی نئے سال کی آمد کے ساتھ ہی دنیا میں آ گیا ہے۔ حیدر حمزہ کردار نے فیملی میں بےحد خوشی اور محبت کا اضافہ کر دیا ہے۔‘
اسپورٹس پریزننٹر کی جانب سے شیئر کی جانے والی تصاویر میں انہیں نوزائیدہ کو گود میں اٹھائے دیکھا جاسکتا ہے، دوسری تصویر میں ننھے بچہ تیمور کی گود میں موجود ہے لیکن ان تصاویر میں نومولود کا چہرہ واضح نہیں ہے۔
زینب عباس کی جانب سے شیئر ہونے والی اس پوسٹ میں انہیں مبارکباد ملنے کا سلسلہ شروع ہوگیا ہے جس میں نامور پریزنٹرز و کھیل سے وابستہ شخصیات کا نام شامل ہے۔
