کراچی (نیوز ڈیسک) ڈونلڈ ٹرمپ کو اپنی ہی جماعت کے اندر بڑھتی ہوئی مخالفت کا سامنا، ریپبلکن قانون ساز امریکی صدر کے ساتھ نظریاتی اختلافات ظاہر کرنے لگے۔
تفصیلات کے مطابق امریکی صدر ڈونلڈ ٹرمپ کو اپنی ہی جماعت کے اندر بڑھتی ہوئی مخالفت کا سامنا ہے، کیونکہ کانگریس میں ریپبلکن قانون ساز، جو طویل عرصے سے ان کی مخالفت کرنے سے کتراتے رہے ہیں، اب امریکی صدر کے ساتھ نظریاتی اختلافات ظاہر کرنے اور پارٹی لائن سے ہٹ کر چلنے کے لیے زیادہ آمادگی دکھا رہے ہیں۔
صرف گزشتہ ایک ہفتے کے دوران، سینیٹ اور ایوانِ نمائندگان میں ریپبلکنز کے متعدد دھڑوں نے آگے بڑھ کر ڈونلڈ ٹرمپ کے ایران کے خلاف جنگ کے فیصلے کی سخت مذمت کی اور ان کے وائٹ ہاؤس کے بال روم سے منسلک 1 ارب ڈالرز کے فنڈز کو بھی مسترد کر دیا ہے۔
اس کے علاوہ، ان کے 1.8 ارب ڈالرز کے’اینٹی ویپنائزیشن‘ فنڈ پر پیچھے ہٹنے پر مجبور کیا ہے اور اندرونِ ملک جاسوسی سے متعلق ان کی قانون سازی کا راستہ روک دیا ہے۔
