لاہور(شوبز ڈیسک) ورسٹائل اداکار جمشید انصاری کو دنیا سے رخصت ہوئے 13برس بیت گئے تاہم وہ آج بھی مداحوں کے دِلوں میں زندہ ہیں۔سہارن پور میں 31دسمبر1945 کو جنم لیا 6برس کی عمر میں کراچی آئے۔لندن میں رہائش کے دوران جمشید نے کچھ عرصہ بی بی سی میں کام کیا اور ٹی وی پروڈکشن کے سرٹیفکٹ کورس بھی کیے۔ لندن میں قیام کے دوران انہوں نے شوکت تھانوی کے لکھے ہوئے ڈرامے ’سنتا نہیں ہوں بات‘ پیش کیا۔ 1968 میںکیریئر کاآغاز ڈرامہ ’جھروکے‘ سے کیا۔ 200ڈراموں میں اداکا ری کے جوہر دکھائے۔ کیریئر 40برسوں پر محیط ہے۔ 2005میں برین ٹیومر کی تشخیص کے بعد بصارت جاتی رہی اور اس بے مثال اداکار نے ہمیشہ کے لیے اس دنیا سے منہ موڑ لیا۔
جمشید انصاری کو مداحوں سے بچھڑے 13برس بیت گئے
