پریانکا چوپڑا نے نروس ہونے کی وجہ بتادی

ممبئی (شوبز ڈیسک )بالی ووڈ اداکارہ پریانکا چوپڑا نے کہا کہ ہالی ووڈ انڈسٹری میں انٹری سے قبل وہ کافی نروس تھیں۔میڈیا رپورٹس کے مطابق پریانکا چوپڑا نے اپنے تازہ انٹرویو میں کہا کہ بالی ووڈ میں اپنی ساکھ مظبوط کرنے کے بعد انٹری لینے سے قبل وہ کافی نروس تھیں اور گومگو کا شکار تھیں کہ وہ ہالی ووڈ انڈسٹری کے معیار پر پورا اتر پائیں گی یا نہیں؟۔انہوں نے کہا کہ ہالی ووڈ میں فلمسازی اور استعمال ہونے والی ٹیکنالوجی جدید اور معیاری ہے،فلم بے واچ جس میں وہ اہم کردار میں جلوہ گر ہورہی ہیں کے فلمساز اور دیگر کاسٹ نے نہ صرف ان کا انڈسٹری میں شاندار استقبال اورحوصلہ افزائی کی بلکہ ہالی وڈ میں کام کے معیار پر پورا اترنے کے لئے ان کی خصوصی تربیت بھی کی۔امید کرتی ہیں کہ فلم بے واچ کامیابی سے ہمکنار ہو گی، فلم کی دیگر اہم کاسٹ میں زیک ایفرون، ڈاونی جونسن اور الیگزینڈرا ڈیڈیریو شامل ہیں،فلم 27 جولائی کو سینما گھروں کی زینت بنے گی۔