پیرس: (ویب ڈیسک) انگلینڈ کے ٹینس کھلاڑی کیمرون نوری اے ٹی پی پیرس ماسٹرز اوپن ٹینس ٹورنامنٹ میں مردوں کے سنگلز مقابلوں کا فاتحانہ آغاز کرتے ہوئے دوسرے راؤنڈ میں پہنچ گئے۔
کیمرون نوری نے سربیا کے میومیر کیکمانووک کو شکست دی جبکہ برطانوی سابق عالمی نمبر ایک اینڈی مرے کو پہلے راؤنڈ شکست کا سامنا کرنا پڑا۔
مردوں کے سنگلز مقابلوں کے ابتدائی راؤنڈ میں 27 سالہ برطانوی ٹینس کھلاڑی کیمرون نوری نے عمدہ کارکردگی کامظاہرہ کرتے ہوئے سربیا کے میومیر کیکمانووک کو سٹریٹ سیٹس میں 2-6 اور 4-6 سے شکست دے کر نہ صرف ٹورنامنٹ کا فاتحانہ آغاز کیا بلکہ دوسرے رائونڈ کے لئے بھی کوالیفائی کر لیا۔
فتح کے بعد کیمرون نوری نے اپنے 49 ویں اے ٹی پی میچز جیتنے کا اعزاز بھی حاصل کرلیا، ایک اور میچ میں میزبان کھلاڑی گیل سائمن نے سخت مقابلے کے بعد 35 سالہ برطانوی ٹینس سٹار اینڈی مرے کو ہرا کر ایونٹ سے باہر کر دیا۔ گیل سائمن کی فتح کا سکور 6-4، 5-7 اور 3-6 تھا۔
