اگر نیند نہیں آتی تو یہ آلہ استعمال کریں

لاہور(نیٹ نیوز)دنیا میں کروڑوں افراد ایسے ہیں جنہیں زیادہ تر چاہنے کے باوجود جلد نیند نہیں آتی ۔ٹیکنالوجی کمپنی سانا نے اس مسئلے پرقابو پانے کے لیے ایک ایسا سمارٹ الیکٹرانک آلہ تیار کیا ہے جو انسان کو صرف اور صرف 10 منٹ کے اندر نیند کی دنیا میں لے جائے گا۔کمپنی کی جانب سے تیار کردہ سمارٹ سانا ہیلتھ نامی ہیڈفون کی طرح کا آلہ پہنتے ہی انسان 10 منٹ کے اندر خوابوں کی دنیا میں چلا جاتا ہے ۔کمپنی کا دعوی ہے کہ اس آلے کو جس جگہ، جہاں بھی استعمال کیا جائے گا یہ ٹھیک اسی طرح ہی کام کرے گا جس طرح یہ بستر پر کام کرتا ہے ۔ کمپنی نے اس آلے کا فروری 2016 ءسے مارچ 2017 ءتک کم سے کم 700 افراد پر تجربہ کیا جو کامیاب رہا ۔سانا ٹیم نے بتایا اس آلے کو 2018 ءکے وسط تک فروخت کے لیے دنیا بھر میں پیش کردیا جائے گا، اس آلے کی ابتدائی قیمت 400 ڈالر ہوگی۔اس ہیڈ فون میں ایچ آر وی نامی سینسر لگے ہوئے ہیں ۔