Monthly Archives: August 2018

اہم خبریں, پاکستان

عید سے ایک روز قبل ملتان کی دلہن بارات سے ایک رات قبل اہلخانہ سمیت ایسا کام کر گئی کہ بیچارے دولہا کو زندگی بھر کا سبق مل گیا

شجاع آباد( ویب ڈیسک ) پنجاب میں دلہا بارات لے کر پہنچا تو دلہن والے گھر کو تالا لگا کر فرار ہوگئے اور دلہا سے لاکھوں روپے بھی لے گئے۔ پنجاب کے شہر ملتان کے قریب واقع شجاع آباد کی بستی مٹھو میں دلہن والے دلہا اور اس کے گھر والوں کے تین لاکھ روپے لے کر بھاگ نکلے۔ خالد نامی دلہا نے شادی سے قبل دلہن والوں کو شادی کی تیاری میں مدد کے لیے تین لاکھ روپے دیے، مہندی کی تقریب کے بعد جب اگلے دن بارات لے کر پہنچے تو دیکھا کہ دلہن اور اہل خانہ گھر کو تالا لگا کر کہیں جاچکے ہیں۔دلہے کی والدہ نے بتایا کہ گزشتہ رات دلہن شہناز کی مہندی کرکے آئے تھے، دلہن کے والد نے شادی کے اخراجات کے لیے ہم سے تین لاکھ روپے لیے ہوئے تھے، 2 تولہ طلائی زیورات اور اڑھائی لاکھ دیگر اخراجات کے لیے تھے لیکن دلہن والوں نے ہمارے ساتھ دھوکا کیا دلہن شہناز اور اس کے والد ذوالفقار اہل خانہ سمیت بارات سے پہلے فرار ہوگئے۔

 

انٹر نیشنل, اہم خبریں

آج صبح افغان صدر اشرف غنی کے عید اجتماع سے خطاب کے دوران راکٹ حملے

کابل( ویب ڈیسک )دہشت گروں نے افغان صدر کی موجودگی میں عید کے اجتماع کے دوران صدارتی محل پر راکٹوں سے حملہ کردیا۔ دہشت گردوں نے کابل میں صدارتی محل پر منگل کی صبح 9 بجے راکٹوں سے حملے کیے، یہ حملے اس وقت کیے گئے جب افغان صدر اشرف غنی عید کے اجتماع سے خطاب کررہے تھے۔افغان میڈیا کے مطابق صدارتی محل پر راکٹ حملہ طالبان نے کیا، حملے کے بعد علاقے میں افغان فورسز اور دہشت گردوں کے درمیان جھڑپیں جاری ہیں جب کہ سیکیورٹی فورسز کی جوابی کارروائی میں دو دہشتگرد مارے گئے۔افغان میڈیا کا کہنا ہےکہ سیکیورٹی فورسز نے علاقے کو گھیرے میں لے رکھا ہے اور ملٹری ہیلی کاپٹر علاقے میں چھپے دہشت گردوں کو تلاش کرکے نشانہ بنا رہے ہیں۔

 

اہم خبریں, پاکستان

قربانی کے جانوروں کی قیمتیں آسمانوں کو چھونے لگیں ، خریدار پریشان

کراچی( ویب ڈیسک ) سپرہائی وے پر لگنی والی مویشی منڈی میں عید سے ایک دن قبل ہی جانوروں کی قلت ہوگئی۔مویشی منڈی انتظامیہ کے مطابق اس سال ایک لاکھ 92 ہزار جانور مویشی منڈی لائے گئے جن میں سے اب تک تقریباً 20 ہزار سے بھی کم جانور باقی رہ گئے ہیں۔مویشی منڈی میں جانوروں کی کمی کے باعث بیوپاریوں نے قیمتیں بھی بڑھا دی ہیں جس کے باعث شہری مہنگے جانورں کا شکوہ کرتے نظر آرہے ہیں۔بیوپاریوں کا کہنا ہےکہ اس بار جانور کم لائے گئے ہیں، انتظامیہ ہمیں سہولت نہیں دے رہی، چار دن سے مویشی منڈی میں پانی نہیں آرہا۔واضح رہے کہ ملک بھر میں کل عید الاضحیٰ منائی جارہی ہے جس مناسبت سے کراچی میں قربانی کے لیے بڑے پیمانے پر جانور لائے گئے ہیں۔

 

اہم خبریں, پاکستان

ہمیشہ کی طرح کراچی کی بوہری برادری نے بھی آج عید الاضحی کی نماز کےءبعد قربانی کی رسم ادا کر دی

کراچی( ویب ڈیسک ) ملک بھر میں بوہری برادری آج عید الاضحیٰ منارہی ہے۔ملک بھر کی طرح آج کراچی میں بھی بوہری برادری عیدالاضحیٰ مذہبی جوش و خروش اور عقیدت واحترام کے ساتھ منا رہی ہے۔کراچی میں بوہری کمیونٹی کا نماز عید کا سب سے بڑا اجتماع صدر کی طاہری مسجد میں ہوا، اس کے علاوہ پان منڈی، سولجر بازار، بلوچ کالونی، نارتھ ناظم آباد اور حیدری کے علاقوں میں بھی نمازعید کے اجتماعات ہوئے۔ نماز عید کےموقع پر پولیس اور رینجرز اہلکاروں نے سیکیورٹی کے فرائض انجام دیئےاور بوہری مساجد جانے والے راستے بند کردیے گئے دئیے۔نماز عید کے بعد ملک کی سلامتی اور استحکام کے لیے بھی خصوصی دعائیں مانگی گئیں اورایک دوسرے کومبارک باد دی۔ بوہری برادری کی جانب سے نماز عید کی ادائیگی کے بعد سنت ابراہیمی کی پیروی کرتے ہوئے قربانی کا فریضہ ادا کیا جارہا ہے۔

 

انٹر نیشنل, اہم خبریں, پاکستان

خلیجی ممالک اور سعودی عرب میں نماز کے بڑے اجتماعات، قربانی کے لئے خصوصی انتظامات

سعودی (ویب ڈیسک ) سعودی عرب سمیت خلیجی اور بعض یورپی ممالک میں عید الاضحیٰ آج منائی جارہی ہے۔مکہ مکرمہ اور مدینہ منورہ سمیت سعودی عرب کے دیگر شہروں میں نماز عید کے بڑے اجتماعات ہوئے جن میں حاجیوں سمیت لاکھوں افراد نے نماز عید ادا کی۔عیدالاضحیٰ کاسب سے بڑا اجتماع مسجدالحرام اور مسجدنبوی میں ہوا جس میں فرزندانِ اسلام نے نماز عید ادا کی جس کے بعد حجاج قربانی کے بعد سرمنڈوا کر احرام کھولیں گے پھر حجاج کرام آج رمی کے لیےجمرات کبریٰ روانہ ہوں گے۔منیٰ، مکہ، مدینہ، جدہ اور دیگر شہروں میں خصوصی مذبح خانوں کا اہتمام کیاگیا ہے۔گورنر مکہ شہزادہ خالدالفیصل اور نائب گورنر شہزادہ عبداللہ بن بندر نے جمرات پر رمی کی اور دونوں نے مسجد الحرام پہنچ کرطواف بھی کیا جب کہ گورنرمکہ اور ان کےنائب نے حج انتظامات کی نگرانی کی اور سہولیات کاجائزہ بھی لیا۔متحدہ عرب امارات میں بھی نماز عیدالاضحیٰ کے اجتماعات ہوئے جس کے بعد لوگوں نے ایک دوسرے کے گلے لگ کر عید کی مبارکبا دی اور پھر سنت ابراہیمی کی پیروی کے لیے مذبح خانوں کا رخ کرلیا۔برطانیہ سمیت یورپ کے دیگر ممالک میں آج عید منائی جارہی ہے، امریکا کی کچھ ریاستوں میں عید منارہے ہیں جب کہ کچھ لوگ کل عید منائیں گے۔افغانستان میں بھی آج عیدالاضحیٰ منائی جارہی ہے جہاں افغان صدر ڈاکٹر اشرف غنی نے دارالحکومت کابل کے صدارتی محل میں نماز عید ادا کی۔

 

شوبز

ہالی وڈ کی ڈراﺅنی اور ایڈونچر فلم ” الفا “ کی دھوم ‘بزنس میں آگے

لاہور(شوبزڈیسک)ہالی وڈ فلم” الفا “ کے سینماﺅں میں چرچے ہیں اور اس وقت بزنس میں بھی ہالی وڈ فلموں میں آگے ہے۔اس فلم میں ہالی وڈ کے نامور سٹارز نے کام کیاہے جن میں مرکزی کردار اداکار کوڈی سمتھ میکفی کا ہے جو فلم میں کیڈا کے کردار میں نظر آئے ہیں۔کوڈی آسٹریلین اداکار ہیں جو اس سے قبل ٹی وی کے کئی سیریل کر چکے ہیں۔نوجوان کیڈا اپنے کر میگنن قبیلے کے ساتھ اپنی پہلی کوشش کے دوران مرنے کے بعد جنگل میں اکیلے رہنے کی کوشش کرتا ہے۔ وہ اس بھیڑ ئیے کو مارنا چاہتا ہے جس نے اس کی جان لی لیکن بعد میں دونوں دوستی کر کے ممکنہ طور پر اتحاد تشکیل دیتے ہےں اور ہمیشہ اکٹھے وہتے ہیں۔یہ وہی بھیڑیا ہے جو لڑائی کے دوران اس کے ہاتھ سے نکل گیا تھا۔اسے جگہ جگہ زبردست مشکلات اور غیر منفی خطرات کا سامنا کرنا پڑتا ہے۔جب دوستی ہو جاتی ہے تو کیڈے اور بھیڑیئے کو فکر لاحق ہوتی ہے کہ سردی سے پہلے گھر بنائیںجس کے لئے سخت پتھریلی اور ناقابل اطمینان زمین ہے ۔اس کی تزئین کےلئے ٹریک بنانا بھی ضروری ہے۔اس مقصد کیلئے پل پل خطرات کا سامنا کرنا اس ہارر اور ایڈونچر فلم کو انتہائی پر لطف بنا دیتا ہے۔فلم میں کوڈی کیساتھ اداکارہ کیونر وریلا کا کردار بھی انتہائی اہم ہے۔جس کا فلم میں نام شامن ہے۔اس کے علاوہ جینز ہلٹن‘جونز ہاکر‘سپینر بوگریٹ‘نتاسیا مالدے‘مارکن کوالزیک‘مرسیڈیز ڈی لا زردا بھی شامل ہیں۔فلم کا پریمئیر نیویارک اور دوسرے ممالک میں ہو چکا ہے اور یہ فلم کل ریلیز ہونے جا رہی ہے۔ فلمی تجزیہ نگاروں کا فلم دیکھنے کے بعد کہنا تھا کہ فلم کی کہانی انتہائی متاثرکن ہے۔کوڈی اس سے پہلے ایک بہترین فلم کرکے بھی اپنا نام بنا چکے ہیں جس کا نام ” دی بوائے ان دی روڈ“ ہے ۔کوڈی عمر کے لحاظ سے نوجوان ہیں اور ان کی عمر ابھی بائیس سال ہے اور وہ لڑکیوں میں بہت فیورٹ مانے جاتے ہیں۔ فلم کی کہانی بیس ہزار سال پرانی ہے کیڈے اپنے پہلے جنم میں اپنے ہاتھ کی پشت پر ایک نشان دیکھتا ہے جو اس کو آہستہ آہستہ بھیڑیا دکھائی دینے لگتا ہے ۔وہ اس کو تلاش کرتا ہے تو بھیڑیا اس پر حملہ کر دیتا ہے اور بھیڑیا زخمی ہو کر بھاگ جاتا ہے۔ قبیلہ والے اس کو مرنے کے بعد پتھروں میں دفنا دیتے ہیں لیکن جب وہ چلے جاتے ہیں تو اس کی زندگی لوٹ آتی ہے اور وہ پتھروں کی قبر ہٹا کر باہر نکل آتا ہے۔یہ اس کا نیا جنم ہے وہ بھیڑیئے کی تلاش میں نکل پتا ہے اور ایک جگہ اسے نیزے سے مارنے کی کوشش کرتا ہے تو اچانک اسے بھیڑئیے کا زخم دکھائی دیتا ہے اور وہ اسے مارنے کا ارادہ ترک کردیتا ہے اور اس کا دوست بن کر اس کا علاج شروع کردیتا ہے جب وہ ٹھیک ہو جاتا ہے تو دونوں دوست بن کر پہاروں اور جنگلوں میں اکٹھے اٹھتے بیٹھتے اور سوتے ہیں او

شوبز

پریانکا کوشردھا‘ عالیہ ‘ ہریتک کی جانب سے منگنی کی مبارکباد

ممبئی(شوبزڈیسک) بالی وڈ اداکارہ پریانکا چوپڑا کی آنےوالی زندگی کیلئے فنکاروں نے نیک خواہشات کا اظہار کرتے ہوئے انہیں منگنی کی مبارکباد دی ہے۔گزشتہ دنوںپریانکا اورامریکی گلوکارواداکار نک جونز نے باقاعدہ منگنی کرکے ان تمام افواہوں کو سچ ثابت کردیا جو کئی ماہ سے گردش کررہی تھیں۔ پریانکا کوبالی وڈ سٹارز کی جانب سے مبارکباد دینے کا سلسلہ جاری ہے۔ رنویرسنگھ نے بھی نیک خواہشات کا اظہار کیا۔ ہرتیک روشن ‘ عالیہ بھٹ ‘بپاشا باسو ‘سونم کپور، ملائکہ اروڑا، شردھا کپور، ایشا گپتا اور ورون دھون نے بھی دونوں کو مبارکباد دی۔

شوبز

روز بٹ دبئی فیشن شو میں ریمپ پر واک کرتی دکھائی دیں گی

لاہور(شوبزڈیسک) ماڈل واداکارہ روز بٹ نے کہا ہے کہ وہ محنت پر یقین رکھتی ہیں اور اسی وجہ سے آج فیشن انڈسٹری میں ان کا نام سب جانتے ہیں۔ انہوں نے کہا کہوہ بیک وقت تین فلموں میں کام کر رہی ہیں جن میں ” قسم پاکستان کی ‘ پلے بوائے اور اک ان ٹائٹل فلم ہے۔ انہوں نے پاکستان بھر میں بہت سے فیشن شوز میں ریمپ پر واک کی ۔وہ اب ایک بڑی کمپنی کے ساتھ دبئی میں فیشن شو میں شرکت کریں گی جس کیلئے معاہدہ پر دستخط ہونا باقی ہیں تاہم باقی ڈیل ہو چکی ہے۔ انہوں نے بتایا کہ تھیٹر پر کام کی پیشکش میں نے خود ٹھکرائی لیکن ٹی وی میں کام ضرور کروں گی۔انہوں نے کہا کہ عید کے بعد اپنی فلموں میں بھی شوٹنگ کا آغاز کروں گی۔

 

شوبز

کنگنا رانوت قانونی کے شکنجے میں پھنس گئیں

ممبئی(شوبزڈیسک ) اداکارہ کنگنا رانوت اسٹیٹ ایجنٹ کو کمیشن کی عدم ادائیگی کی وجہ سے قانونی شکنجے میں پھنس گئیں۔ میڈیا کے مطابق ممبئی کے ایک اسٹیٹ ایجنٹ نے بنگلہ خریدنے میں کمیشن کی مکمل ادائیگی نہ ہونے پر کنگنا ، ان کی بہن اور فنانس ٹیم کے خلاف پولیس اسٹیشن میں درخواست جمع کرادی جس میں الزام عائد کیا گیا ہے کہ اداکارہ نے بنگلہ خریدنے کے بعد پورا کمیشن ادا نہیں کیا۔کنگنانے کہا کہ ایک فیصد کمیشن ادا کردیا لیکن وہ 2 فیصد کا مطالبہ کر رہے ہیں۔

اہم خبریں, پاکستان

نجم سیٹھی مستعفی ، عمران نے احسان مانی کو چئیرمین پی سی بی نامزد کر دیا

اسلام آباد (نیٹ نیوز) چےئر مےن پی سی بی نجم سےٹھی نے اپنے عہدے سے استعفیٰ دے دےا۔ استعفیٰ وزےراعظم عمران خان نے بھجوا دےا انتخابات مےں فتح کے بعد عمران خان نے انہےں عہدہ چھوڑنے کا پےغام بھجواےا جس کے بعد انہوں نے متعدد بار عمران خان سے رابطہ کرنے کی کوشش کی لےکن انہوں نے کوئی جواب نہ دےا ،وزیراعظم پاکستان عمران خان نے پاکستان کرکٹ بورڈ کے چیئرمین کیلئے احسان مانی کو مقرر کر دیاتفصےلات کے مطابق پی سی بی کے چےئر مےن نجم سےٹھی نے اپنے عہدے سے استعفیٰ دے دےا۔ وزےرعظم سےکرٹرےٹ کے ارسال کئے گئے استعفےٰ مےںکہا گےا ہے کہ مجھے 2014 مےں اس وقت کے وزےراعظم نواز شرےف نے تعےنات کےا تھا جہاں تک ہو سکا کرپشن کی بہتری کے لئے اقدامات کئے اللہ تعالیٰ پاکستان کرکٹ کا حامی و ناصر ہو پی سی بی اور قومی کرکٹ ٹےم کے لئے نےک تمنائےں سماجی رابطوں کی ویب سائٹ ٹوئٹر پر اپنے استعفے کی ایک نقل شیئر کرتے ہوئے کہا کہ میں اپنا استعفیٰ دینے سے قبل وزیر اعظم کے حلف لینے کا انتظار کر رہا تھا۔نجم سیٹھی نے عمران خان کو بھیجے گئے اپنے استعفے میں لکھا کہ مجھے اگست 2017 میں بورڈ آف گورنرز کے دس اراکین نے بالاتفاق 3سال کے لیے چیئرمین پی سی بی منتخب کیا تھا۔انہوں نے وزیر اعظم پاکستان عمران خان کو مخاطب کرتے ہوئے کہا کہ آپ متعدد مواقعوں پر کہہ چکے ہیں پاکستان کرکٹ کے لیے آپ کا ایک مقصد ہے لہٰذا یہ بہتر ہو گا کہ آپ یہ عہدہ سنبھالیں اور ایسی مینجمنٹ کو یہ ذمے داری سونپیں جسے آپ کا مکمل اعتماد اور بھروسہ حاصل ہو۔سیٹھی نے کہا کہ پاکستان کرکٹ کے وسیع تر مفاد کے آپ کے مقاصد کو تکمیل تک پہنچانے کے لیے میں چیئرمین پی سی بی اور بورڈ آف گورنر کے رکن کی حیثیت سے مستعفی ہوتا ہوں دوسری جانب وزییراعظم نے احسان مانی کو نیا چیئرمین پی سی بی مقر ر کردیا۔ عمران خان نے اپنے ٹوئیٹ میں کہا کہ احسان مانی کرکٹ کے میدان میں وسیع تجربہ رکھتے ہیں، احسان مانی تین سال آئی سی سی کے خزانچی اور سربراہ رہ چکے ہیں، احسان مانی نے آئی سی سی میں پی سی بی کی نمائندگی کی تھی اور احسان مانی آئی سی سی، پی سی بی اہم عہدوں پر فرائض سرانجام دے چکے ہیںِ وزیراعظم عمران خان نے احسان مانی کو ٹیلی فون کرکے فیصلے سے آگاہ کر دیا۔ یاد رہے سابق چیئرمین پی سی بی شہریار خان کی جانب سے عہدہ چھوڑنے اور مدت پوری کرنے کے بعد بورڈ آف گورنرز نے گزشتہ سال نجم سیٹھی کو پی سی بی چیئرمین منتخب کیا تھا۔، واضح رہے کہ تحرےک انصاف کی انتخابات مےں فتح کے بعد نجم سےٹھی کو عمران خان کی جانب سے عہدہ چھوڑنے کا پےغام بھجواےا گےا تھا بعدا زاں نجم سےٹھی نے متعدد بار عمران خان سے رابطے کی کوشش کی لےکن ناکام رہے تا ہم وزےراعلیٰ پنجاب کےلئے ان کی اہلےہ جگنو محسن کے ووٹ کے بعد چہ سگوئےاں کی جا رہی تھیں کہ شاےد نجم سےٹھی اپنے عہدے پر کام جاری رکھ سکےں لےکن پےر کے روز انہوں نے اپنا استعفیٰ وزےراعظم عمران خان عمران خان کو ارسال کر کے چےئر مےن پی سی بی کے عہدے سے کنارہ کشی اختےار کر لی۔

.