اسلام آباد ، نئی دہلی( این این آئی ) بھارتی وزیر اعظم نریندر سنگھ مودی نے کہا ہے کہ پاکستان کے ساتھ دو طرفہ بامقصد مذاکرات چاہتے ہیں ۔ نجی ٹی وی کے مطابق پاکستان کے نو منتخب وزیر اعظم عمران خان کے نام اپنے ایک خط میں انہوں نے اس خواہش کا اظہار کیا کہ ہم پاکستانی حکومت کے ساتھ تمام معاملات بات چیت کے ذریعے حل کرنا چاہتے ہیں۔مودی کا اپنے خط میں کہنا تھا کہ پر امن طریقے سے تمام مسائل کا حل دونوں ملکوں کے مفاد میں ہے اور دونوں ملکوں کی حکومتیں مشترکہ کوششوں سے ہی خطے سے دہشتگردی کا خاتمہ کر سکتی ہیں۔ انہوںنے کہاکہ دہشتگردی نے خطے کے امن کو بری طرح تباہ کیا جس سے معاشی اور سیاسی سرگرمیوں کو شدید نقصان پہنچا ، ان کو دوبارہ شروع کرنے کیلئے دونوں ملکوں کو آپس میں بامقصد بات چیت کرنا ہوگی تاکہ خطے میں دیرپا امن کو یقینی بنایا جا سکے۔اس سے قبل پاکستانی وزیر خارجہ شاہ محمود قریشی نے اپنی پریس کانفرنس میں بھارت پر زور دیا تھا کہ وہ مسئلہ کشمیر کو ایک حقیقت تسلیم کرے اور اس کے حل کیلئے مذاکرات کا راستہ اختیار کرے کیونکہ دونوں ملکوں کے درمیان سب سے بڑا مسئلہ کشمیر کا ہے جس کے حل کے بغیر خطے میں امن کا قیام یقینی قرار نہیں دیا جا سکتا ۔ شاہ محمود قریشی نے کہا کہ بھارت کے وزیراعظم نریندر مودی نے عمران خان کو وزیر اعظم بننے کی مبارکباد دی ہے اور مذاکرات کی دعوت بھی دی ہے، بھارت کے ساتھ دیرینہ مسائل کا ادراک ہے، بھارت کی وزیر خارجہ کیلئے میرا پیغام ہے کشمیر پاکستان اوربھارت میں تنازعات کی بنیادی وجہ ہے، دونوں ممالک ہمسائے اور ایٹمی قوت ہیں،ملکی خارجہ، داخلی اور معاشی چیلنجز سے آگاہ ہوں، آئندہ ماہ اقوام متحدہ کا اجلاس ہونے والا ہے، بیرون ممالک پاکستان کے سفیر حاکم نہیں ہیں، ملک کو عالمی تنہائی سے نکالنے کیلئے اقدامات کریں گے، امن کا پیغام لے کر افغانستان جانا چاہتا ہوں،افغان وزیر خارجہ سے رابطہ کرکے دورہ کابل کی خواہش رکھتا ہوں،پاکستان کا مفاد سب سے مقدم ہے،سیاسی بنیادوں پر تعینات سفیروں کی کارکردگی کا جائزہ لوں گا۔ دفتر خارجہ میں میڈیا سے گفتگو کرتے ہوئے انہوں نے کہا کہ ملکی خارجہ، داخلی اور معاشی چیلنجز سے آگاہ ہوں۔وزیر خارجہ شاہ محمودقریشی نے حزب اختلاف کو مشاورت کی دعوت دیتے ہوئے کہا کہ حنا ربانی کھر اور خواجہ آصف سے بھی مشاورت کروں گا۔ان کا کہنا ہے کہ خارجہ پالیسی کا آغاز پاکستان سے اور اختتام بھی پاکستان پر ہے، پاکستان کی خارجہ پالیسی کو از سرنو دیکھا جائے گا، خارجہ پالیسی کی سمت درست کی جائے گی۔انہوں نے کہا کہ ہم چاہتے ہیں کہ اس خطے میں امن و استحکام ہو، ملک سے غربت کا خاتمہ ہماری اولین ترجیح ہے، کچھ قوتیں پاکستان کو تنہائی کی طرف دھکیلنے کی کوشش کرتی آئی ہیں۔وزیر خارجہ نے کہا کہ خارجہ امور پر اتفاق رائے پیدا کرنے کی کوشش ہوگی، عوام کی منتخب حکومت کو عوام کے امنگوں کے مطابق چلنا ہے، کچھ ممالک سے پاکستان کے خارجہ امور بہت اہمیت رکھتے ہیں۔شاہ محمود قریشی کا مزید کہنا ہے کہ پاکستان کا مفاد سب سے مقدم ہے، وزیر خارجہ نہ ہونے سے ملک کو نقصان پہنچا اور کچھ لوگوں کو کھل کر کھیلنے کا موقع ملا، میری کوشش ہے کہ خارجہ پالیسی پرقومی اتفاق رائے ہو، ملک کو درپیش چیلنجز سے نمٹنے کے لیے پرعزم ہیں۔شاہ محمود قریشی نے کہا کہ مسئلے پیچیدہ ہیں، ہو سکتا ہے کہ مسائل فوری حل نہ ہوں، کچھ قوتیں پاکستان کو تنہائی کی طرف دھکیلنے کی کوشش کرتی آئی ہیں، مستقبل قریب میں دیگر ممالک کے ساتھ خارجی امور آگے بڑھاﺅں گا۔انہوں نے کہا کہ کرپشن ختم کرنے میں یقینامزاحمت کا سامنا ہو گا لیکن ہم پرعزم ہیں، کرپشن نے پاکستان کے ادارے تباہ کر دیے ہیں، ہمارے دور میں تمام تقرریاں میرٹ پر ہوں گی۔وزیر خارجہ شاہ محمود قریشی کا نان کیریئرسفیروں کی تعیناتی جاری رکھنے کا عندیہ دیتے ہوئے کہنا ہے کہ سیاسی بنیادوں پر تعینات سفیروں کی کارکردگی کا جائزہ لوں گا، گزشتہ حکومت کے سیاسی بنیادوں پر لگائے گئے سفیر کام جاری رکھیں، سیکرٹری خارجہ اس ضمن میں میری رہنمائی کریں گی۔ان کا کہنا ہے کہ بلاوجہ اکھاڑ پچھاڑ کا قائل نہیں ہوں، تقرریاں کارکردگی کی بنیاد پر ہونی چاہئیں، کابینہ اجلاس کے بعد سیکریٹری تہمینہ جنجوعہ سے ملاقات کروں گا اور ان سے رہنمائی حاصل کروں گا، مستقبل میں کچھ ملکوں سے رابطے کیے جائیں گے۔جبکہ بھارتی میڈیاکادعویٰ ہے کہ ان کی حکومت نے وزیر اعظم عمران خان کو مذاکرات کی دعوت نہیں دی، بھارتی وزیراعظم کے خط میں صرف اچھے تعلقات کی خواہش کااظہار کیا گیاہے۔پیر کو بھارتی میڈیا نے کہا کہ وزیراعظم عمران خان کو ٹیلیفون کال اور بھارتی خط اہم بات ہے لیکن پاکستان کے وزیراعظم عمران خان کو مذاکرات کی دعوت نہیں دی گئی جبکہ بھارتی خط میں صرف اچھے تعلقات کی خواہش کا انتظار کیا گیا ہے۔

اسلام آباد (این این آئی)وفاقی کابینہ نے سابق وزیر اعظم محمد نوازشریف اور ان کی صاحبزادی مریم نواز کا نام ای سی ایل میں ڈالنے کی منظوری دیتے ہوئے کہا ہے کہ حسین نواز ¾حسن نواز اور اسحق ڈار ملک کے مفرور ملزم ہیں ¾انہیں واپس لانے کےلئے اقدامات کیے جائیں گے ¾ ایون فیلڈ ریفرنس کی جائیداد پاکستان کی ملکیت ہے جس کی قرقی کے حوالے سے برطانیہ کی حکومت سے رابطہ کیا جائےگا جبکہ وزیر اطلاعا ت و نشریات فواد چوہدری نے وفاقی کابینہ کے فیصلوں کا اعلان کرتے ہوئے بتایا کہ کابینہ کے ارکان کے بیرون ملک علاج کی سہولت واپس لے لی گئی ہے ¾گورنر ہاﺅسز اور دیگر بڑے بڑے گھروں کے حوالے سے فیصلے کےلئے کمیٹی بنائی گئی ہے ¾ وزراءاور بیوروکریٹس کے دوروں کو بھی محدود کر نے کا فیصلہ کیا گیا ہے ¾وزیر اعظم خود بھی تین ماہ کوئی غیر ملکی دورہ نہیں کرینگے ¾ شاہ محمود قریشی اگلے ماہ اقوام متحدہ میں ہونے والے اجلاس میں پاکستان کی نمائندگی کرینگے ¾تحریک انصاف کی خارجہ پالیسی ریاست سے ریاست کے درمیان ہوگی ¾جہانگیر ترین کوئی پروٹوکول نہیں لے رہے ¾اگر کوئی بھی سفارتی اہلکار بیرونِ ملک پاکستانیوں کی مدد کرنے میں ناکام ہوگیا تو اسے اگلے ہی روز واپس پاکستان بلالیا جائے گا ¾ چیف جسٹس میرے استاد ہیں اس لئے ملاقات کےلئے گیا ¾ سیاست کے علاوہ بھی کچھ رشتے ہیں ¾ کابینہ کے اجلاس میں سابق صدر پرویز مشرف سے متعلق کوئی بات نہیں ہوئی۔ پیر کو وزیراعظم ہاو¿س میں وزیر اعظم عمران خان کی زیرصدارت ہونے والے اجلاس میں نئی کابینہ کے ارکان نے شرکت کی جس میں ملک کی معاشی صورت حال اور دیگر امور کا تفصیلی جائزہ لیا گیا۔ انہوںنے کہاکہ احتساب کا عمل کابینہ نے وزیر اعظم اور اپنے آپ سے شروع کر نے کا فیصلہ کیا ہے اور جو اثاثے انہوںنے ظاہر کئے ہیں انہیں دوبارہ عوام کے سامنے لائیں گے ۔کابینہ نے وزیر اعظم ہاﺅس کی اضافی گاڑیوں کی نیلامی کی منظوری بھی دی ہے وہاں 88گاڑیاں ہیں جن میں سے کئی بلٹ پروف اور مہنگی ترین ہیں جو گاڑیاں ضروری ہونگی وہ رکھی جائیں گی اور باقیوں کو نیلام کیا جائیگا اس حوالے سے پرنسپل سیکرٹری اس کی شرائط اور نیلام کی تاریخ کا اعلان کرینگے ۔انہوںنے کہاکہ وزیر اعظم کے پاس دو گاڑیاں ہونگی جبکہ کیبنٹ ممبران کو ایک گاڑی دی جائے گی۔انہوںنے کہاکہ سرکاری زمینوں کے حوالے سے ہیرٹیج کمیٹی جائزہ لے گی کہ گور نر ہاﺅس اور دیگر تاریخی عمارتوں کی حیثیت بھی متاثر نہ ہو اور ان کو کیسے استعمال میں لایا جائے ۔انہوںنے کہاکہ ملک بھر میں کمشنرز ¾ ڈپٹی کمشنرز ¾ آئی جیز اور دیگر کے بڑے بڑے گھر ہیں اس حوالے سے اسد عمرکی نگرانی میں ایک کمیٹی بنائی گئی ہے جس میں عبد الرزاق داﺅد اور خسرو بختیار شامل ہیں یہ کمیٹی ان عمارتوں کو منافع بخش بنانے کےلئے اقدامات کا جائزہ لے گی ۔انہوںنے کہاکہ دوصوبوں میں ہماری حکومتیں ہیں وہاں فیصلے ہم خود کر لینگے جبکہ دوسرے صوبوں کو وفاقی حکومت آرٹیکل 149کے تحت ہدایت دے سکتی ہے ۔انہوںنے کہاکہ ہم سود ادا کر نے کےلئے قرضے لے رہے ہیں لیکن اب ایسا نہیں ہوگا اور ان عمارتوں کو منافع بخش پراپرٹیز بنائیں گے ۔انہوںنے کہا کہ ان عمارتوں میں نچلے طبقے کے ملازمین کی ملازمتوں کا تحفظ کیا جائیگا انہیں کسی صورت نہیں نکالا جائیگا بلکہ انہیں دوسری مختلف جگہوں پر کھپایا جائیگا ۔وزیر اطلاعات نے کہاکہ بھاشا ڈیم بہت ضروری ہے کابینہ نے اس حوالے سے جائزہ رپورٹ پیش کر نے کی ہدایت کی ہے ۔وزیر اطلاعات نے کہاکہ ایون فیلڈ پراپرٹیز عوام کی ملکیت ہیں وزارت قانون کو ہدایت کی گئی ہے کہ ان پراپرٹیز کےلئے برطانوی عدالت سے رجوع کرے اس حوالے سے شہزاد اکبر کی سربراہی میں ایک ٹاسک فورس بنائی گئی ہے ¾ شہزاد اکبر کو وزیر اعظم کا معاون خصوصی بنایا گیا ہے ۔ٹاسک فورس بیرون ملک اثاثے واپس لانے کےلئے کام کرے گی ۔ ایک سوال کے جواب میں وزیر اطلاعات نے کہا کہ صدارتی انتخابات کے معاملے پر پی ٹی آئی کی اکثریت ہے، صدارتی الیکشن جیتنے کےلئے مستحکم ہیں ¾ حزب اختلاف کو اپنے امیدوار کو لانے کا حق حاصل ہے لیکن ہمیں امید ہے کہ عارف علوی کو آرام سے صدر منتخب کرالیں گے۔انہوں نے کہا کہ کئی اداروں کو بحال کرنے کی ضرورت ہے، ہمارے دور میں سیاسی تقرریاں نہیں ملیں گی ¾انفارمیشن گروپ کو ماضی میں نظر انداز کیا گیا اسے حق نہیں ملا، محکمہ اطلاعات میں بھی اصلاحات لائی جائیں گی۔ انہوں نے کہا کہ نواز شریف نے وزیرِاعظم کے خرچے سے متعلق چیکس کی جو بات کی ہے اس سے ظاہر ہوتا ہے کہ وہ جھوٹ بول رہے ہیںکیونکہ ان کے ٹیکس گوشواروں سے واضح ہے کہ وہ یہ خرچہ برداشت کرنے کے اہل ہی نہیں ہیں۔انہوں نے کہاکہ وزیراعظم ہاو¿س کے اخراجات بجٹ میں موجود ہیں، نوازشریف نے کہاکہ انہوں نے اخرجات خود دیئے لیکن ساڑھے پانچ کروڑ روپے سرکاری خزانے سے گئے ہیں، نوازشریف اور ان کا خاندان وزیراعظم ہاو¿س کا خرچہ دینا چاہیں تو تفصیلات بھیج دیں گے۔پاک بھارت تعلقات پر بات کرتے ہوئے وزیر اطلاعات نے کہاکہ مودی سے عمران خان نے کہا تھا کہ ایک قدم بڑھو گے ہم دو قدم بڑھیں گے، اگر وہ کشمیر سمیت تمام معاملات پر بات کرنا چاہتے ہیں تو پہلے ہی وزیراعظم کی پیشکش ہے، ہم نے خارجہ پالیسی کا زاویہ دےدیا ہے اس میں سب کچھ ہے، ہماری خارجہ پالیسی کی بنیاد ہے کہ ریاست سے ریاست کے درمیان تعلقات ہوں گے، نوازشریف اور ہماری پالیسی میں یہی فرق ہے کہ ان کی پالیسی نوازشریف اور شخصیت کے درمیان تھی۔وزیراعظم کے قوم سے خطاب پر بعض سیاسی رہنماو¿ں کی تنقید کے جواب میں فواد چوہدری نے کہا کہ وزیراعظم کی تقریر ایک گھنٹے سے زائد تھی، اس پر بھی تنقید ہوئی بہت لمبی تقریر تھی، اگر کہیں تو پھر ہم بارہ گھنٹے بیٹھ جائیں۔ایک سوال پر فواد چوہدری نے واضح کیا کہ وزیرِخارجہ شاہ محمود قریشی بھی نجی دورے سرکاری خرچے پر نہیں کریں گے۔ ایک سوال پر فواد چوہدری نے کہا کہ جوحلقے خالی کیے ہیں، ان پر ہونے والے ضمنی انتخاب میں تحریک انصاف حصہ لے گی اور مخالفین سے بھرپور مقابلہ بھی کرے گی۔ بیرونِ ملک مقیم پاکستانیوں کے حوالے سے بات کرتے ہوئے کہا کہ وزیراعظم عمران خان چاہتے ہیں کہ وہ بیرونِ ملک مقیم پاکستانیوں کو تنہا نہ چھوڑا جائے۔انہوں نے بیرونِ ملک جیلوں میں قید پاکستانیوں کے حوالے سے بات کرتے ہوئے انہوںنے کہاکہ اگر کوئی بھی سفارتی اہلکار بیرونِ ملک پاکستانیوں کی مدد کرنے میں ناکام ہوگیا تو اسے اگلے ہی روز واپس پاکستان بلالیا جائے گا۔

لاہور (مانیٹرنگ ڈیسک) تحریک انصاف کے رہنما فیصل جاوید نے کہا ہے کہ وزیراعظم عمران خان نے بہت اچھی ٹیم میدان میں اتاری ہے قیادت اچھی ہو تو سب ٹھیک ہوجاتا ہے، چینل ۵ کے پروگرام نیوز ایٹ 7 میں گفتگو کرتے ہوئے انہوں نے کہا کہ خرچے کم کرکے عمران خان نے قوم کا اعتماد بحال کیا، حکمران اصل میں قوم کی خدمت کے لیے آتا ہے اپنی عیاشی کے لیے نہیں، عمران خان جو کہتے ہیں وہ کرکے دکھاتے ہیں وہ ڈلیور کرکے دکھائیں گے عمران خان پریشر کا مقابلہ کرنا جانتے ہیں سو دن میں ملک اپنی سمت طے کرے گا۔ سابق سیکرٹری الیکشن کمیشن کنور دلشاد نے کہا ہے کہ اوورسیز پاکستانی اپنا ووٹ کاسٹ کرنے کے لیے 1994ءسے کوشش کر رہے تھے اس وقت کے چیف جسٹس نسیم حسن شاہ نے بھی الیکشن کمیشن کو حکم دیا تھا کہ اوورسیز پاکستانیوں کو ووٹ کاسٹ کرنے کے لیے میکنزم طے کریں اس پر 2009ءتک بہت کام ہوا لیکن زرداری کی حکومت میں کام بند ہوگیا نواز دور میں بھی اس پر بدنیتی کی گئی کیونکہ ن لیگ نے سروے کرایا تو پتہ چلا کہ اوورسیز پاکستانیوں کا ووٹ عمران کے حق میں جائے گا۔

لاہور (ایڈیٹرٹرینڈی رپورٹ )پی ٹی آئی کے چیرمین عمران خان کاوزیراعظم پاکستان منتخب ہونے پربھارتی میڈیامیں جہاں روایتی منفی پراپیگنڈا کیاگیاوہاں فیس بک پردونوںممالک کے صارفین ایک دوسرے کے ساتھ دوستی کی پینگیں بڑھاتے اورنیک خواہشات کے پیغامات کاتبادلہ کرتے رہے۔امیت سنگھ نے لکھامسٹرخان کوبھارت کی طرف سے مبارکباد،سرحدکے آرپارہم آہنگی اورامن کے قیام کیلئے شراکت داری شروع کرنے کی امیدہے۔اس پرانیس ستارنے یوںجوابی تبصرہ کیاانشااللہ ،وہ دن دورنہیں،دونوں ممالک کے عوام کی اکثریت امن اوردوستی چاہتی ہے۔شیراحمدنے صرف ایک لفظ لکھاعزت۔سفینہ مہر،داودکاکاخیل اورعینی بلال نے لکھا انشااللہ ۔سجاول خان نے لکھاہم برصغیرمیں امن چاہتے ہیں۔صائمہ منورنے لکھابھارتیو،تمہاراشکریہ،ہم آپ کی حمایت کی ستائش اورمحبت کرتے ہیں۔کائنات خان نے لکھاہم کیرالہ کے لوگوں کیلئے بھی دعاکرتے ہیں۔فری الطاف نے لکھاشکریہ ،امیت سنگھ۔محمدکامران نے لکھابھائیو،شکریہ ،اللہ تم پررحمت کرے۔عباس مستان مریحان عمراورعمران اللہ نے لکھاشکریہ،پاکستان کی طرف سے چاہت اوراحترام ۔سیدمحمدجمیل نے لکھابھارتی نیک خواہشات کودیکھ کربہت اچھالگا،ہمیں امیدہے یہ مستقبل میں بھی جاری رہیں گی۔ بابرسہیل نے لکھاانشااللہ،سرحدکے دونوں طرف موجودلوگ بہت اچھے ہیں،وہ امن ،ہم آہنگی اورسچی دوستی چاہتے ہیںمگریہ دونوں ممالک کی قیادت ہے جو17ہزارملین لوگوں کی تقدیرکافیصلہ کرتی ہے۔اللہ نورخٹک نے لکھادونوں اطراف سے مثبت سوچ جاری رکھنے کی ضرورت ہے۔عدنان ارشد نے لکھادلوں کوگرمادینے والے کمنٹس کاشکریہ،ہمیں مسٹرسدھوسے پیارہے کہ انھوں نے پاکستان آنے کی جرات کی۔سروج برال نے لکھاآپ سچے بھارتی ہو۔حمادرضانے لکھاامیت بھائی شکریہ،امیدہے باہمی تعلقات کی طرف یہ پہلادن ہے۔ عظمی ندیم نے لکھاپاکستان کے خصوصی دن پرنیک خواہشات کااظہارکرنے پرشکریہ،امیدہے ہم مستقبل میں دونوںممالک کیلئے اچھے دن دیکھیں گے۔ اسامہ اعظم نے لکھاآپ کے میڈیاکواب رک جاناچاہیے۔شاہدندیم نے لکھاہاں ،ہمیں ایساکرناچاہیے۔ممتازعلی نے لکھاپاکستان کی طرف سے پیار۔محمدکامران نے لکھاجناب،اپنے دوستوں کوکہیں کہ وہ عمران خان کاصفحہ لائیک کریں،بہت شکریہ۔ارشدصدیقی نے لکھاپیارے امیت سنگھ،شکریہ،بے شک دونوں ممالک کے درمیان کہیں بہترتعلقات ہوناچاہئیں۔عمرخیام نے لکھاانشااللہ ۔شاہدحسین شیخ نے لکھاشکریہ ،جناب ،پاکستان کی طرف سے چاہت۔نرواشاہ نے لکھاجناب، بھارت کی طرف سے مبارکباداورنیک تمنات،آپ واحدسیاستدان ہیں جوبھارت اورعام بھارتی کوبہت اچھی طرح جانتے ہیں، مجھے امیدہے پڑوسی ملک کے ساتھ شاندارتعقات قائم کرنے کیلئے یہ معلومات آپ کے کام آئیں گی،ہم آپ کوچاہتے ہیں اورآپ نے بھارتی دوروں کے دوران یہ محبت دیکھی ہوگی۔سرویش رستوگی نے لکھابھارت کی طرف سے نیک تمنات ،دنیابھرمیں کوئی بھی وزیراعظم مسٹرخان جیساسمارٹ اورہیرونہیں ،مجھے امیدہے،وہ اپنے جیسے سمارٹ فیصلے کریں گے۔اس پرفہیم قریشی نے لکھاآپ کے الفاظ سونے جیسے ہیں۔کامران ستی نے لکھابھارت میں مقیم اپنے دوستوں کی طرف سے کمنٹس دیکھ کرپیارآگیا،شکریہ،پاک بھات دوستی زندہ باد۔عائشہ بتول نے لکھاانشااللہ ۔ماریہ فیاض نے لکھاآپ کے شفیق خیالات کاشکریہ ۔ارجمندخان رانا نے لکھاسرویش رستوگی ،مجھے امیدہے کسی روزہماری سرحدیں کھل جائیں گی،جس کے بعدمیں ان جگہوں کودیکھ سکوں گاجہاں