نگراں وزیر خزانہ ڈاکٹر شمشاد اختر کی زیر صدارت ای سی سی کا اجلاس ہوا، جس میں اقتصادی رابطہ کمیٹی نے متعدد منصوبوں کے لیے فنڈز کی منظوری دے دی۔
اقتصادی رابطہ کمیٹی نے آئی بی کے لیے 25 کروڑ روپے کے اضافی فنڈز کی منظوری دے دی جبکہ سبسڈی گرانٹ ایگریمنٹ اور انفراسٹرکچر پراجیکٹ کے لیے وزارت خزانہ کی سمری بھی منظور ہوگئی۔
ذرائع کے مطابق درآمدی یوریا کی فروخت کے طریقہ کار سے متعلق سمری مشروط طور پر منظور کر لی گئی، فیڈرل ڈائریکٹوریٹ آف امیونائزیشن کے لیے 3 ارب 56 کروڑ روپے کی گرانٹ منظور کی گئی۔
اقتصادی رابطہ کمیٹی کے اجلاس میں وزارت بین الصوبائی رابطہ کے لیے بھی 10 کروڑ روپے کی گرانٹ منظور کی گئی۔
