غیر مسلم اداکار کا روزے رکھ کر ایسا اقدام کہ دنیا بھر کے لاکھوں لوگوں کی توجہ کا مرکز بن گیا

ڈبلن(ویب ڈیسک) روزے کے کئی روحانی و جسمانی فوائد سے ہم آگاہ ہیں لیکن اب ایک معروف غیرمسلم اداکار نے روزے کے ذریعے اپنے جسم میں ایک ایسی تبدیلی کر ڈالی ہے جس کا اکثر مسلمان روزہ داروں نے بھی کبھی نہیں سوچا ہو گا۔ میل آن لائن کے مطابق آئرلینڈ کے 34سالہ ایڈن ٹرنر نامی اس اداکار کا متناسب اور خوبصورت جسم دنیا بھر سے لاکھوں لوگوں کی توجہ کا مرکز بنا ہوا ہے۔ گزشتہ دنوں جب ایک انٹرویو میں ایڈن سے اس فٹنس کا راز پوچھا گیا تو اس نے بتایا کہ ”میں اکثر روزہ رکھتا ہوں اور دن میں دو بار ورزش کرتا ہوں۔ مجھے بھوک کی شدت بہت مزیدار لگتی ہے چنانچہ میں اکثر بھوکا رہنا پسند کرتا ہوں۔“ایڈن نے مزید بتایا کہ ”جس دن میں روزہ رکھوں اس دن شام 7بجے تک کچھ نہیں کھاتا۔ اس سے میرے جسم کو ایک نئی توانائی ملتی ہے، چربی پگھلتی ہے اور میری جسمانی توانائی بہت زیادہ بڑھ جاتی ہے۔لوگ سمجھتے ہیں کہ میں اپنے جسم کی بہت زیادہ پروا کرتا ہوں، ایسا نہیں ہے۔ میں صرف صحت مند رہنے کی کوشش کرتا ہوں۔ ہاں میں سخت ورزش ضرور کرتا ہوں اور اس کے علاوہ میری سکس پیک باڈی کا راز اکثر روزے رکھنا ہے۔“